लातूर - बोर्डाचा निकाल लागल्यापासून अद्यापही नोंदणी प्रक्रिया सुरू आहे. शाहू महाविद्यालयाची पहिली यादी शनिवारी सायंकाळी 5 वाजता लागणार आहे. यापूर्वीच यादीत नंबर लागतो की नाही, या भीतीनेच अक्षय देवकरने आत्महत्या केली असावी, असे महाविद्यालयाचे प्राचार्य डॉ. महादेव गव्हाणे यांनी सांगितले आहे.
नुकत्याच झाललेल्या १० वीच्या परिक्षेत कळंब तालुक्यातील देवळाली येथील अक्षयने ९४.२० टक्के गुण मिळवले होते. त्याला गणितात ९९ टक्के गुण आहेत. लातूरमधील शाहू कॉलेजला प्रवेश मिळावा, यासाठी त्याने नाव नोंदणी केली होती. मात्र, यादी लागण्याच्या एक दिवस अगोदर नंबर लागेल की नाही, या नैराश्यातून अक्षयने स्वतःला संपवून घेतले. कॉलेज प्रवेशाच्या चिंतेतून त्याने आत्महत्या केल्याने देवळाली या गावावर शोककळा पसरली आहे.
गतवर्षीपेक्षा यंदा टक्का कमी होणार
यंदा संबंध राज्यात निकाल खाली आला आहे. त्यामुळे 4 ते 5 टक्क्यांचा फरक पडणार असून यावेळी 91 टक्के असणाऱ्या विद्यार्थ्यांनाही प्रवेश मिळू शकतो. त्यामुळे विद्यार्थ्यांनी असे टोकाचे पाऊल उचलू नये, असे आवाहन डॉ. गव्हाणे यांनी केले.
