लातूर - अहमदपूर तालुक्यात 6 वर्षीय अल्पवयीन चिमुरडीवर अत्याचार केल्याचा धक्कादायक प्रकार समोर आला आहे. याप्रकरणी अहमदपूर पोलीस ठाण्यात सचिन संजय गिरी (वय 22) या तरुणाविरोधात गुन्हा दाखल करण्यात आला आहे.
हेही वाचा - महाबीजच्या अहवालाने विद्यापीठांच्या बीज संशोधनावर प्रश्नचिन्ह ; शेतकऱ्याच्या तक्रारीनंतर प्रकार उघडकीस
याबाबत अधिक माहिती अशी की, अहमदपूर तालुक्यातील एक महिला व त्यांची 6 वर्षीय मुलगी आपल्या आजारी आजोबांना भेटण्यासाठी आले होते. त्यावेळी गावातील सचिन गिरी याने पीडितेला कुरकुरे, चिप्स व चॉकलेट तसेच मोबाईलवर गेम खेळायला देण्याच्या बहाण्याने घरी नेऊन तिच्यावर अत्याचार केला.
हेही वाचा - शासकीय रुग्णालयात एकाच दिवशी दोन रुग्णांचा अचानक मृत्यू; चार जणांवर आयसीयूमध्ये उपचार
याबाबत पीडितेच्या आईने दाखल केलेल्या तक्रारीवरून आरोपीविरोधात पॉस्को कायद्यातंर्गत गुन्हा दाखल करण्यात आला आहे. उपविभागीय पोलीस अधिकारी डॉ. अश्विनी पाटील व पोलीस निरीक्षक सुनिल कुमार पुजारी यांच्या मार्गदर्शनाखाली पोलीस उप निरीक्षक एन. व्ही. जाधव हे अधिक तपास करत आहेत.
