लातूर - देवणी तालुक्यातील जवळगा-साकोळ येथे भरधाव मोटार सायकल झाडावर आदळून एक जागीच ठार झाल्याची घटना घडली.
याबाबत सविस्तर वृत्त असे, की बाबासाहेब बोणे (वय ४० वर्षे, रा. गणेशवाडी, ता.शिरूर अनंतपाळ, जि.लातूर) ते काल शुक्रवारी (ता. ११) संध्याकाळी ८ वाजता जवळगा-साकोळ येथे आपल्या मित्राला सोडून गावाकडे जात असताना जवळगा ते साकोळ रस्त्याच्या कडेला असलेल्या झाडाला भरधाव मोटार सायकल धडकली व बोणे यांच्या डोक्याला गंभीर मार लागल्याने त्यांचा जागीच मृत्यू झाला आहे.
हेही वाचा - ती 'चूक' अभियंत्याला पडली महागात; लाच घेताना रंगेहात पकडले
जवळच असलेल्या वलांडी येथील प्राथमिक आरोग्य केंद्रात शवविच्छेदन करून मृतदेह नातेवाईकाच्या ताब्यात देण्यात आले आहे. त्यांच्यावर गणेशवाडी येथे अंतिम संस्कार करण्यात आले आहे. मृताच्या पश्चात आई-वडील पत्नी मुले आहेत. या अपघाताची वलांडी पोलीस चौकीत नोंद करण्यात आली असून पुढील तपास पोलीस करत आहेत.
हेही वाचा - अमित देशमुख म्हणतात सत्ताबदल होणारच...'हे' दिले कारण
