'हमको तुमसे हो गया है प्यार'... एसटी चालकाचा टिकटॉक व्हिडिओ व्हायरल

एसटी चालकाचा टिक टॉक व्हिडिओ सध्या सोशल मीडियावर जोरदार व्हायरल होत आहे. या व्हिडिओतून त्याने आपले एसटीवर किती प्रेम आहे हे दाखवून दिले आहे.

कोल्हापूर - देशात टिकटॉक या सोशल मीडिया अॅपने मोठ्या प्रमाणात लोकप्रियता मिळवली आहे. अगदी आबालवृद्धसुद्धा टिकटॉकवर व्हिडिओ करताना आपण पाहिले आहे. यातच आता एका एसटी चालकाचा टिकटॉक व्हिडिओ सध्या सोशल मीडियावर जोरदार व्हायरल होत आहे.

राजापूर-अनसूर या एसटीवरचा तो चालक आहे. 'हमको तुमसे हो गया है प्यार... क्या करे' या गाण्यावर त्याने टीकटॉक व्हिडिओ तयार केला आहे. व्हिडिओतून त्याने आपले एसटीवर किती प्रेम आहे हे दाखवून दिले आहे. त्यातच आज एसटीचा वर्धापनदिन असल्याने या व्हिडीओची जोरदार चर्चा कोल्हापुरात पाहायला मिळत आहे.