कोल्हापूर - कोल्हापूरची गिर्यारोहक कस्तुरी सावेकर हिने जगातले सर्वात अवघड अष्टहजारी अन्नपूर्णा-1 शिखर सर केले आहे. 26 हजार फुटांतून अधिक उंची असलेले हे शिखर सर करणारी कस्तुरी सर्वात तरुण महिला गिर्यारोहक ठरली आहे. तिचे आता पुढचे पाऊल माऊंट एव्हरेस्ट मोहीम सर करण्याचे असल्याचे तिने म्हटले आहे.
जगातील तरुण गिर्यारोहक - अष्टहजारी अन्नपूर्णा हे शिखर खडतर एवढ्याच साठी आहे कि माऊंट एव्हरेस्टचा डेथ रेट 14 टक्के आहे. तर माऊंट अन्नपूर्णाचा डेथ रेट 34 टक्के आहे. त्यामुळेच या शिखराच्या खडतरतेची कल्पना येते. माउंट अन्नपूर्णा-1 या मोहिमेमध्ये दुर्देवाने प्रत्येक 100 पैकी 34 गिर्यारोहकांना प्राणास मुकावे लागते. माऊंट एव्हरेस्टवर आतापर्यंत हजारो गिर्यारोहकांनी यशस्वी चढाया केल्या आहेत. पण उंच, अत्यंत्य दुर्गम, चढाईसाठी अतिशय अवघड असल्याने अन्नपूर्णावर आतापर्यंत फक्त 350 गिर्यारोहकच यशस्वी चढाई करू शकले आहेत.
एव्हरेस्ट मोहिमेसाठी मदत करा - कस्तुरीची पुढील मोहीम एव्हरेस्ट शिखर असून तिला आर्थिक मदतीची आवश्यकता आहे. कोल्हापूरकरांनी एव्हरेस्टच्या मोहीमेसाठी मदत करावी, असे आवाहन तिचे वडील दिपक सावेकर यांनी केले आहे. कस्तुरी 24 मार्च 2022 रोजी माऊंट एव्हरेस्ट मोहिमेला गेलेली आहे. या मोहिमेतील सरावाचा भाग म्हणून कस्तुरीने सरावासाठी जगातील 14 अष्टहजारी शिखरांपैकी सर्वात अवघड व खडतर असणारे दहाव्या क्रमांकाचे शिखर माऊंट अन्नपूर्णा-1 शिखर ज्याची उंची 26 हजार 545 फूट आहे हे निवडले आणि ते यशस्वीरित्या सर सुद्धा केले.
हेही वाचा - विदर्भ शासन! महाराष्ट्र दिनी फलकांवर झळकले 'विदर्भ शासन'; महाराष्ट्र दिनाचा नोंदवला निषेध
