जालना - भोकरदनमधील विरेगांव नजीक दुचाकी आणि मालवाहक वाहनाची समोरासमोर धडक झाल्याची घटना आज (4 जानेवारी) सायंकाळी घडली. या अपघातात दुचाकी चालक तरूणाचा मृत्यू झाला असून त्याची आई थोडक्यात बचावली आहे. सुनिल सांडू राऊत (रा. दानापूर), असे मृत तरूणाचे नाव आहे.
हेही वाचा - खेडमधील फुरूस येथे कार नदीत कोसळून एकाचा मृत्यू
सायंकाळच्या सुमारास सुनिल आणि त्याची आई दुचाकीवरून भोकरदनकडे जात होते. समोरून भरधाव वेगात येणाऱ्या चार चाकी मालवाहक वाहनाने त्यांना जोरदार धडक दिली. या घटनेत सुनिलचा जागीच मृत्यू झाला आहे. घटनेमुळे दानापूर परिसरात हळहळ व्यक्त करण्यात येत आहे. घटनेचा अधिक तपास भोकरदन पोलीस करत आहे.
