भोकरदन (जालना) - शिवसेनाप्रमुख दिवंगत बाळासाहेब ठाकरे यांचा 8 वा स्मृतीदिन भोकरदन येथे विविध सामाजिक उपक्रमातून साजरा करण्यात आला. यावेळी सर्वप्रथम शिवसेना कार्यालयात बाळासाहेबांच्या प्रतिमेस पुष्पहार अर्पण करून अभिवादन करण्यात आले.
स्मृतिदिनानिमत्त शहरात विविध सामाजिक उपक्रम
शहरातील गोरगरीब निराधार व मजुरांना मोफत जेवण देण्यात आले. वयोवृद्ध तसेच निराधार गरजू महिलांना साडी, नववारी लुगडे व लहान मुलांना कपडे वाटप करण्यात आले. ग्रामीण रुग्णालयात रुग्णांना फळ व बिस्कीट वाटप करून श्री गुरू गणेश मिश्री गोशाळा येथे गायींना चारा वाटप व वृक्षारोपण करण्यात आले.
यावेळी दिवंगत बाळासाहेब ठाकरे स्मृती परिवाराचे अध्यक्ष महेश पुरोहित, युवासेना जिल्हा उपाध्यक्ष सुरेश पाटील तळेकर यांच्यासह शिवसैनिक उपस्थित होते.
