जालना - केंद्रीय राज्यमंत्री रावसाहेब दानवे यांनी भोकरदन तालुक्यातील परतीच्या पावसाने नुकसान झालेल्या शेती पिकांची मंगळवारी पाहणी केली. तसेच दानवेंनी पाहणी करून अधिकाऱ्यांना योग्य त्या सूचना दिल्या.
भोकरदन तालुक्यात गेल्या 10 दिवसांपासून सततच्या पावसामुळे शेतामधील कपाशी, सोयाबीन, मका आदी पिकांमध्ये पाणी साचले आहे. मका, कपाशीच्या पिकांना कोंब फुटले आहेत. पावसामुळे पिकांचे नुकसान होत असल्याच्या बातम्या 'ईटीव्ही भारत'वर प्रसिद्ध करण्यात आल्या होत्या. याची दखल घेत मंत्री रावसाहेब दानवेंनी नुकसान झालेल्या शेती पिकांची शेतकऱ्यांच्या बांधावर जाऊन पाहणी केली.
हेही वाचा - जालन्यात तीन तलाकविरोधात गुन्हा दाखल
दुसरीकडे भोकरदन तालुक्यात बांध फुूटून शेतकऱ्यांच्या शेतात पाणी शिरल्याने मोठ्या प्रमाणात नुकसान झाले आहे. याची जालना काँग्रेस जिल्हाध्यक्ष राजाभाऊ देशमुख, तालुकाध्यक्ष त्र्यंबक पाबळेंनी शेतकऱ्यांच्या बांधावर जावून पाहणी केली.
हेही वाचा - ऐन दिवाळीत खड्डयांमुळे औरंगाबाद जालना महामार्गावरील वाहतूक खोळंबली...
