जालना - सायंकाळच्या सुमारास गल्लीमध्ये खेळणाऱ्या मुलींना हेरून त्यांच्यासोबत अश्लील चाळे करणाऱ्या 50 वर्षीय व्यक्तीला नागरिकांनी पकडून चांगलाच चोप दिला. त्या व्यक्तीला नागरिकांनी पोलीस ठाण्यात आणून पोलिसांच्या स्वाधीन केले. सलीम शेख नजीर (वय 50) असे आरोपीचे नाव आहे.
जालन्यातील कादराबाद कमान गल्ली भागात राहणाऱ्या संतोष नरसय्या चौकी आणि कॉलनीमधील काही मुली सायंकाळी एकत्र खेळतात. आरोपी चार पाच दिवसांपासून रोज सायंकाळी येऊन लहान मुलींना विशिष्ट प्रकारचे हातवारे करून आणि अश्लील चाळे करून जवळ बोळतव होता. ही बाब मुलींनी पालकांच्या लक्षात आणून दिली. दरम्यान, पालकांनी ही घटना दामिनी पथकाच्या पोलीस उपनिरीक्षक पल्लवी जाधव यांना रविवारी सांगितली होती. सोमवारी पुन्हा या मुली खेळत असताना शेख सलीम तिथे आला आणि मुलींना इशारे करू लागला. मुलींनी पालकांना त्या व्यक्तीबद्दल पालकांना सांगितले.
त्यामुळे मुलींच्या पालकांनी परिसरातील नागरिकांच्या कानावर ही घटना घातली. नागरिकांनी देखील त्यांच्या मुलींना या घटनेविषयी विचारले असता सर्वच मुलींनी हा प्रकार घडत असल्याचे सांगितले. ही व्यक्ती आजही तीथे आली आहे, आमि कोपऱ्यात उभी आहे, असहेही सांगितले. त्यानंतर कॉलनीतील नागरिक जमा झाले आणि त्यांनी शेख सलीम याला विचारणा केली.
पालकांनी मुलींकडून त्या व्यक्तीबद्दल शहानिशा केली असता, सर्व मुलींनी त्या व्यक्तीबद्दल तक्रार केली. पालकांनी त्याला पकडून जाब विचारला असता त्या व्यक्तीने उडवाउडवीची उत्तरे दिली. अचानक त्या व्यक्तीने पळून जाण्याचाही प्रयत्न केला असता, उपस्थित नागरिकांनी त्याला पकडून चोप दिला आणि सदर बाजार पोलिसांच्या ताब्यात दिले.
मुलींच्या पालाकांच्या तक्रारीवरून पोलिसांनी शेख सलीम शेख नजीर (वय 51) याच्यावर गुन्हा दाखल करून वैद्यकीय तपासणीसाठी शासकीय रुग्णालयात पाठवण्यात आले. आरोपीवर अत्याचार अधिनियम 2012 आणि कलम 354 अन्वये गुन्हा दाखल करण्यात आला आहे.
