जळगाव - कानांत हेड फोन लाऊन रेल्वे रूळ ओलांडणे तरुणीस चांगलेच महागात पडले आहे. रेल्वेचा आवाज ऐकू न आल्याने रेल्वेचा धक्का लागून तरुणीचा जागेवरच मृत्यू झाला. ही घटना जळगाव शहरात घडली आहे. दरम्यान, मृत मुलीच्या आईने तिचे आणि तिच्या नवऱ्याचे नेहमीच भांडणे होत होती. तिचा नवरा तिच्यावर नेहमीच शक घेत होता, असा आरोप केला आहे.
काम आटपून जात होती घरी - जळगाव शहरात काळेनगर भागात राहणारी स्नेहल उजेंनकर ही वीस वर्षांची तरुणी एका खासगी दुकानात कामाला होती. काम आटोपून घरी जात असताना, ती नेहमीच कानात हेडफोन लाऊन घराकडे जात असे, घराकडे जात असताना शिवाजी नगर उड्डाण पुलाच्या जवळ रेल्वे रुळ ओलांडताना त्या ठिकाणी असलेला अंधार आणि कानात असलेल्या हेडफोनमुळे तिला समोरून येणाऱ्या रेल्वेचा आवाज न आल्याने तिला रेल्वेची धडक बसली. सुरत भुसावळ पॅसेंजरची जोरदार धडक बसल्याने ती रुळावरून बाहेर फेकली गेल्याने तिचा जागेवरच मृत्यू झाला. मृत्यूनंतर ही हेडफोन तिच्या कानात आढळून आल्याचे, हेड फोन मुळेच तिला रेल्वेचा अंदाज न आल्याने मृत्यू झाला असल्याचा प्राथमिक अंदाज पोलिसांनी व्यक्त केला आहे.
परिसरात शोककळा - काही महिन्या पूर्वीच विवाह झालेल्या या तरुणीचा मृत्यू झाल्याने मात्र सर्वत्र हळहळ व्यक्त केली जात आहे. या घटने संदर्भात मयत स्नेहल उज्जेंकर हिच्या परिवार कडून माहिती घेतली असता तिच्या आईने म्हटले आहे की, स्नेहलही रोज सकाळी नऊ वाजता घरून कामावर जात असे आणि रात्री आठ वाजताचे सुमारास घरी येत असे. गेल्या काही महिन्यांपासून तिच्या नवऱ्यात आणि तिचामध्ये नेहमी वाद होत होते. काल झालेल्या घटनेत ही घटना घडली त्यावेळी ती तिच्या नवऱ्या सोबतच बोलत होती, त्यांच्यामधील वादात आलेल्या मानसिक तणावात तिला रेल्वे आल्याचे लक्षात आले नसावे. ती नेहमी हेडफोन वापरत असली तरी ती एकाच कानात वापरत होती, त्यामुळे हेडफोनमुळे घटना झाल्यापेक्षा पतीच्या वादात आलेल्या तणावात हे घडले असल्याचा अंदाज व्यक्त केला आहे.
हेही वाचा - आमची हक्काची जागा कोणालाही देणार नाही; संभाजीराजेंच्या उमेदवारीवर राऊतांची प्रतिक्रिया
हेही वाचा - Nashik Water Crisis : गावात पाण्याची तीव्र टंचाई, मुलांना लग्नासाठी देत नाहीत मुली, पाहा खास रिपोर्ट
