जळगाव - तालुक्यातील भादली गावात राहणाऱ्या एका तरुणीने राहत्या घरी गळफास घेऊन आत्महत्या केली. गुरुवारी (दि. 7 जाने.) दुपारी 12 वाजेच्या सुमारास ही घटना घडली. आत्महत्येचे कारण अद्याप स्पष्ट झालेले नाही. खुशबू गोपाळ चौधरी (वय 23 वर्षे), असे मृत तरुणीचे आहे.
गुरुवारी भादली गावातच एका लग्नसमारंभात खुशबूची आई गेली होती. एकट्या असलेल्या खुशबुने गळफास घेत आत्महत्या केली. ही बाब शेजाऱ्यांच्या लक्षात आल्यानंतर त्यांनी खुशबुला वाचवण्यासाठी प्रयत्न केले. खासगी मोटारीने तिला शासकीय वैद्यकीय महाविद्यालय व रुग्णालयात दाखल करण्यात आले. वैद्यकीय अधिकारी डॉ. विजय कुरकुरे यांनी तपासणी करुन तिला मृत घोषित केले.
एकुलती एक होती मुलगी
खुशबू ही चौधरी दाम्पत्याची एकुलती एक मुलगी होती. या घटनेमुळे तिच्या कुटुंबीयांना प्रचंड धक्का बसला. रुग्णालयात कुटुंबीय, नातेवाईकांनी प्रचंड आक्रोश केला. खुशबूने आत्महत्या का केली? याचे कारण स्पष्ट झालेले नाही. या प्रकरणी नशिराबाद पोलीस ठाण्यात अकस्मात मृत्यूची नोंद करण्यात आली आहे.
हेही वाचा - गावाच्या विकासासाठी 'तृतीयपंथी' अंजलीने खोचला पदर!
हेही वाचा -'आमच्यावर टीका केल्याशिवाय 'ते' महाराष्ट्रात मोठे होऊ शकत नाही'
