हिंगोली - संपूर्ण देशभरात रविवारी जागतिक महिला दिन मोठ्या उत्साहात साजरा करण्यात आला. मात्र, याच दिवशी जिल्ह्यातील एका महिलेने आपली गळफास घेत आत्महत्या केली. उमा अंकुश लाभाडे (वय - 32, रा. जयपूर) असे या मृत महिलेचे नाव आहे. ही घटना रविवारी सकाळी ११ वाजेच्या सुमारास घडली.
मृत महिलेचे पती अंकुश हे आपल्या आई वडिलांपासून वेगळे राहतात. रविवारी नेहमीप्रमाणे ते शेतात गेले होते. तर त्यांची दोन्ही मुली आपल्या आजी आजोबांकडे खेळायला गेल्या होत्या. यानंतर जेवण करण्यासाठी अंकुश हे सकाळी साडे अकरा वाजता घरी आले होते. त्यांनी बराच वेळ पत्नीला आवाज दिला. मात्र, आतून काही ही प्रतिसाद मिळाला नाही. त्यामुळे अंकुश यांनी घराचा दरवाजा तोडला आणि आत प्रवेश केला. यावेळी त्यांनी पत्नी उमा ही गळफास घेतलेल्या अवस्थेत आढळून आली.
