हिंगोली - कोरोना संकटाने धडक दिल्यानंतर याची संपूर्ण देशभरात लॉकडाऊनची कडक अंमलबजावणी करण्यात आली. लॉकडाऊनमुळे अनेकांचे प्रचंड हाल झाले आहेत. इतर घटका बरोबरच लग्न मंडपात अन् वरातीत नवरदेवाला घेऊन मिरवणाऱ्या घोडी व्यवसायिकाला देखील फटका बसला आहे. जवळपास दोन ते अडीच लाख रुपयांचे नुकसान झाले असून, सद्यास्थित ना घोडी विकता येईना, अन कोणी खरेदीसाठी देखील कोणी पुढे येईना. त्यामुळे चाऱ्या पाण्याचा देखील खर्च परवडेनासा होऊन बसला असल्याची खंत हिंगोली तालुक्यातील एकांबा येथील घोडी व्यावसायिक फकिरा खंदारे यांनी व्यक्त केली.
घोडी विकायचायं पण खरेदीसाठी कोणी पुढे येईना; व्यावसायिकांच्या व्यथा यातून घोडीसाठी चारा पाण्याचा खर्च वगळता 70 ते 80 हजार रुपये निव्वळ नफा मिळतो. मात्र, या कोरोनामुळे सर्व स्वप्नावर पाणी फिरले आहे. आज घडीला तर एवढी भयंकर अडचण निर्माण झाली आहे. लग्नसराई नाही अन्, वरून हाताला देखील काही काम नाही, स्वतःचे तर कुटुंब चालविणे कठीण झालेच आहे. मात्र, घोडीचा खर्च देखील करणे जिकरीचे होऊन बसले आहे. घोडी विकण्याचा अनेकदा मनात विचार आलाही मात्र कोणी खरेदी साठी पुढे येईना? परंतु ईलाज नाही आता. आले तसे दिवस ढकलत असल्याचे खंदारे सांगत आहेत.
