गडचिरोली - निवडून येणारा उमेदवार हा 'आधी इलेक्शन, नंतर सिलेक्शन मग कलेक्शन' करत असतो. मात्र, जनतेच्या विकासाचे या निवडून येणाऱ्या खासदार, आमदारांना जनतेच्या समस्यांसोबत काही देणे-घेणे नसल्याची खंत भामरागड तालुक्यातील जनतेने व्यक्त केली आहे. अहेरी विधान सभा क्षेत्रातील भामरागड तालुक्यातील आदिवासी बहुल, अतिसंवेदनशील अशा येचली येथील नागरिकांनी सद्या सुरु असलेल्या निवडणुकांच्या बाबतीत रोष व्यक्त केला आहे. निवडणुका आल्या की सर्वच पक्षाचे उमेदवार आणि त्यांचे कार्यकर्ते मत मागायला येतात, अनेक प्रलोभने दाखवितात. मात्र, येचली परिसरात आज कुटलाच विकास झाला नाही, अशी खंतही या नागरिकांनी व्यक्त केली आहे.
हेही वाचा - खऱ्या परिस्थितीची जाणीव करून देण्यासाठी आमचे सर्व उमेदवार सक्षम - थोरात
येचली ते ताडगाव रस्ता हा अनेक वर्षा पासून नादुरूस्त आहे. 15 ते 20 वर्षांपासून रस्ता खराब आहे. मोठे खड्डे या रस्त्याला पडले आहेत. त्यामुळे महामंडळाच्या बस सेवाही बंद झाले आहे. यामुळे नाइलाजास्तव खासगी वाहनांची आधार घ्यावे लागत आहे. कधी गाडीच्या बोनेटवर तर कधी वर कॅबीनवर बसून जावे लागते. या परिसरात, वैद्यकीय सेवा व्यवस्थित नाही. शिक्षण प्रणालीही ढेपाळली असल्याची खंत व्यक्त करत आता कोणावर विश्वास ठेवायचा, असा रोष येथील जनता व्यक्त करत आहेत.
हेही वाचा - महिलांचे प्रश्न सोडविणाऱ्या सरकारच्या पाठिशी उभे रहा - चित्रा वाघ
निवडून येणारा उमेदवार हा 'आधी इलेक्शन, नंतर सिलेक्शन मग कलेक्शन' करत असतो. मात्र, जनतेच्या विकासाचे या निवडून येणाऱ्या खासदार, आमदारांना जनतेच्या समस्यांसोबत काही देणे-घेणे नसल्याची खंतही जनतेने व्यक्त केली आहे.
