गडचिरोली - अवकाळी पावसामुळे झालेली नापिकी व कर्जबाजारीपणाला कंटाळून शेतकऱ्याने आत्महत्या केली आहे. शुक्रवारी सकाळी चामोर्शी तालुक्यातील खंडाळा येथे ही घटना घडली. गुणाजी वासुदेव सातपुते (वय ४०) असे शेतकऱ्याचे नाव आहे.
हेही वाचा- 'एसपीजी' सुरक्षा काढण्यात येणार, गांधी कुटुंब आता 'झेड प्लस'मध्ये
गुणाजी सातपुते यांनी यंदा आपल्या शेतात धान व कपाशीची लागवड केली होती. परंतु, आधीची अतिवृष्टी व अलिकडेच आलेला अवकाळी पाऊस यामुळे दोन्ही पिकांची नासाडी झाली. त्यांनी सावली येथील आयडीबीआय बँकेच्याशाखेतून दीड लाख रुपयांचे पीक कर्ज घेतले होते. परंतु, हातचे पीक गेल्याने कर्ज कसे फेडावे, या विवंचनेत ते होते. अखेर त्यांनी गळफास घेऊन आपली जीवनयात्रा संपवली.
