धुळे जिल्ह्यात एटीएम फोडीचा अयशस्वी प्रयत्न, चोरटा रंगेहाथ पकडला

दोंडाईचा शहरातील शिवाजी रोडवरील जैन मंदिरशेजारी सेंट्रल बँक ऑफ इंडियाचे एटीएम आहे. गुरुवारी मध्यरात्री १ च्या सुमारास एक चोरटा एटीएममध्ये घुसून कुऱ्हाडीच्या सहाय्याने मशीनची तोडफोड करीत होता. दरम्यान धोंडाईचा पोलिसांचे गस्तीपथक गस्त घालत असताना त्यांना एटीएममध्ये संशयितरित्या हालचाली होताना दिसल्या. त्यांनी एटीएममध्ये जाऊन पाहणी केली असता हा चोरटा एटीएम फोडताना आढळला आणि पोलिसांनी त्याला अटक केली.

धुळे - जिल्ह्यातील दोंडाईचा शहरातील सेंट्रल बँक ऑफ इंडियाचे एटीएम फोडणाऱ्या चोरट्याला पोलिसांच्या गस्ती पथकाने रंगेहात अटक केली आह. याप्रकरणी दोंडाईचा पोलीस ठाण्यात चोरीचा गुन्हा दाखल करण्यात आला आहे. या चोरट्याने यापूर्वीही एटीएम फोडण्याचा प्रयत्न केल्याची कबूली पोलिसांच्या चौकशीदरम्यान दिली आहे. अशोक जगन बागुल (रा. धंदारणे, ता. शिंदखेडा) असे या चोरट्याचे नाव आहे.

दोंडाईचा शहरातील शिवाजी रोडवरील जैन मंदिरशेजारी सेंट्रल बँक ऑफ इंडियाचे एटीएम आहे. गुरुवारी मध्यरात्री १ च्या सुमारास एक चोरटा एटीएममध्ये घुसून कुऱ्हाडीच्या सहाय्याने मशीनची तोडफोड करीत होता. नेमकं त्याचवेळी दोंडाईचा पोलिसांचे गस्तीपथक गस्त घालत असताना त्यांना एटीएममध्ये संशयितरित्या हालचाली होताना दिसल्या. त्यांनी जवळ जाऊन बघितले असता, हा चोरटा तोंडाला काळा रुमाल बांधून कुऱ्हाडीच्या साह्याने एटीएम तोडण्याचा प्रयत्न करत होता. पोलिसांच्या पथकाने अशोक बागुल या चोरट्याला अटक केली. त्यानंतर बँकेचे व्यवस्थापकीय प्रवीण सिताराम गिरी यांनी दिलेल्या फिर्यादीवरून चोरीचा गुन्हा दाखल करण्यात आला आहे.

हेही वाचा - धुळे : विधानपरिषद निवडणुकीसाठी उमेदवारी अर्ज दाखल

7 मार्च रोजी रात्रीच्या सुमारास स्टेट बँक ऑफ इंडियाच्या शाखेतही अशाच पद्धतीने चोरी करण्याचा प्रयत्न झाला होता. त्यावेळीही गुन्हा दाखल करण्यात आला होता. पोलिसांनी दोन्ही गुन्ह्यांचे सीसीटीव्ही फुटेज तपासले असता, ते एकाच चोरट्याने केल्याचे लक्षात आले आहे. याप्रकरणी पोलिसांनी अशोक बागुलची चौकशी केली असता, स्टेट बँक ऑफ इंडियाचे एटीएम त्यानेच फोडण्याचा प्रयत्न केल्याची कबूली त्याने दिली आहे.

हेही वाचा - धुळ्यात लाचखोर वनक्षेत्रपाल एसीबीच्या जाळ्यात; 25 हजारांची लाच घेताना रंगेहाथ अटक