धुळे - दसऱ्याच्या शुभमुहूर्तावर जिल्हा पोलीस मुख्यालयात पोलीस अधीक्षक चिन्मय पंडित यांच्या हस्ते सपत्नीक शस्त्रपूजन करण्यात आले. यावेळी पोलीस अधिकारी व कर्मचारी उपस्थित होते.
पोलीस अधीक्षकांच्या हस्ते पार पडले शस्त्र पूजन
साडेतीन मुहूर्तांपैकी एक असलेला दसरा सण संपूर्ण धुळे जिल्ह्यात उत्साहात साजरा होत आहे. दसरा सणानिमित्त शहरातील मुख्य बाजारपेठ गर्दीने गजबजून गेली आहेत. कोरोनामुळे गेल्या अनेक महिन्यांपासून मंदावलेली बाजारपेठ दसऱ्याच्या शुभमुहूर्तावर फुलून गेली आहे. अनेक महिन्यानंतर बाजारपेठेत लाखो रुपयांची उलाढाल झाली.
दरम्यान, शस्त्रपूजनाला अप्पर पोलीस अधीक्षक प्रशांत बच्छावसह विविध अधिकारी आणि कर्मचारी उपस्थित होते. यावेळी पोलीस अधीक्षक चिन्मय पंडित यांनी अधिकारी आणि कर्मचाऱ्यांना दसऱ्याच्या शुभेच्छा दिल्या.
हेही वाचा- खडसे आणि गोटे धुळ्यात भाजपाचे गणित बिघडवणार?
