धुळे - नाशिककडून दिल्लीकडे टोमॅटो घेऊन जाणाऱ्या मालवाहू ट्रकचा अपघात झाला आहे. ही घटना धुळे शहराजवळ असलेल्या मुंबई-आग्रा महामार्गालगत अवधान परिसरामध्ये घडली. या अपघातात मालवाहू ट्रक उलटल्याने टोमॅटोचे मोठ्याप्रमाणात नुकसान झाले आहे. तसेच, ट्रक चालक व क्लिनर या दोघांनाही मोठ्या प्रमाणात दुखापत झाली आहे.
माहिती देताना अपघातग्रस्त
असा झाला अपघात
मागून भरधाव वेगात ओव्हरटेक करणाऱ्या मोटारीने गतिरोधक आल्यानंतर वाहनाचा वेग कमी केला. त्यामुळे, समोरील वाहनाला वाचवण्यासाठी चालकाला ट्रक रस्त्याच्या कडेला घ्यावा लागला. मात्र, असे करताना ट्रक अचानक उलटला. तथापि, या घटनेत कोणतीही जीवितहानी झालेली नाही. या अपघातामुळे महामार्गावर काही काळ वाहतूक विस्कळीत झाली होती.
हेही वाचा - धुळे : लळींग किल्ल्याच्या शिखरावरून पडल्याने महिलेचा मृत्यू
