रोजगार हमी मजूरांची कामावरच घेतली कोरोना चाचणी

मदनापूर ग्रामपंचायत अंतर्गत व महात्मा गांधी राष्ट्रिय रोजगार हमी योजनेअंतर्गत शेतबोडी खोलीकरणाचे काम सुरु आहे. गावातील बहुतेक स्त्री- पुरुष या कामावर असल्याने येथेच आरोग्य पथकाच्या सहाय्याने रॅपीड व अँटीजन चाचणी शिबिर घेण्यात आले. ग्रामपंचायतीच्या या उपक्रमास मजुरांनी उत्स्फुर्त प्रतिसाद दिला. या शिबिरात १५१ नागरीकांच्या तपासण्या करण्यात आल्या. यात सर्व चाचण्यांचा अहवाल निगेटिव्ह आला.

चिमूर (चंद्रपूर)- कोरोना विषाणू संसर्गाची लाट शहरी व ग्रामीण भागातही मोठ्या प्रमाणात वाढला आहे. यावर नियंत्रण आणण्याकरीता आरोग्य यंत्रणे सह ग्रामपंचायत स्तरावर युद्ध पातळीवर उपाययोजना केल्या जात आहेत. चिमूर तालुक्यातील मदनापूर ग्रामपंचायतीने महात्मा गांधी राष्ट्रिय रोजगार हमी योजने अंतर्गत शेतबोडीचे काम सुरु आहे. या कामावर गावातील बहुतेक स्त्री पुरुष असल्याने कामाच्याच ठीकाणी रॅपीड व ॲन्टीजन चाचणी घेण्याचे ग्रामपंचायतीने ठरविले. त्याप्रमाणे १५१ व्यक्तींची कोरोना चाचणी करण्यात आली.

कामावरच ॲन्टीजन चाचणीचा निर्णय

कामावरच घेतली कोरोना चाचणी

कोरोनाच्या दुसऱ्या लाटेने राज्यातील शहरासह ग्रामीण भागातही संसर्गाने जनजीवन विस्कळीत केले आहे. कोरोनाच्या दुसऱ्या लाटे नंतर तिसरी लाट यापेक्षा तीव्र गतीने सर्वत्र पसरणार असल्याचे सर्वत्र भाकीत केले जात आहे. चिमूर तालुक्यात कोरोनाच्या पहिल्या लाटेपेक्षा, दुसऱ्या लाटेत मृत्युचे प्रमाण वाढले आहे. कोरोना संसर्गावर प्रतिबंध घालण्याकरीता आजाराचे लवकर निदान करण्याकरीता सर्व नागरीकांच्या तपासण्या करण्याची गरज आहे. सध्यस्थितीत शेतीचा हंगाम आहे. तसेच ग्रामीण भागात शेतकरी व शेतमजुर यांची संख्या जास्त आहे. लॉकडाऊन काळात सर्वत्र आर्थिक अडचण भासत आहे. त्यामूळे मजुरी सोडून कोरोना चाचणी करायला कुणीही इच्छुक नाही. या करीता मदनापुर ग्रामपंचायतीने थेट मजुरांच्या कामाच्या ठीकाणी रॅपीड व ॲन्टीजन चाचणी घेण्याचा निर्णय घेतला.

१५१ मजुरांची तपासणी
मदनापूर ग्रामपंचायत अंतर्गत व महात्मा गांधी राष्ट्रिय रोजगार हमी योजनेअंतर्गत शेतबोडी खोलीकरणाचे काम सुरु आहे. गावातील बहुतेक स्त्री- पुरुष या कामावर असल्याने येथेच आरोग्य पथकाच्या सहाय्याने रॅपीड व अँटीजन चाचणी शिबिर घेण्यात आले. ग्रामपंचायतीच्या या उपक्रमास मजुरांनी उत्स्फुर्त प्रतिसाद दिला. या शिबिरात १५१ नागरीकांच्या तपासण्या करण्यात आल्या. यात सर्व चाचण्यांचा अहवाल निगेटिव्ह आला.