मुंबई - पोलीस विभागाचे आयुक्त संजय बर्वे यांच्या पत्नी शर्मिला बर्वे यांच्या हस्ते मुंबई पोलीस खात्यातील सर्व पोलीस ठाण्यात 'स्मार्ट मैत्रीण' हा उपक्रम राबविला जात आहे.
सोमवारी मुंबई पोलीस खात्यातील महिला कर्मचारी आणि अधिकाऱ्यांसाठी पोलीस ठाणी, विभागीय कार्यालयांसह वेगवेगळ्या पोलीस विभाग कार्यालयात सॅनिटरी नॅपकिन व्हेंडिंग मशीन लावण्यात आल्या आहेत. याचे उद्धाटन सोमवारी श्रीमती शर्मिला बर्वे यांच्या हस्ते मुंबई पोलीस मुख्यालयात करण्यात आले.
पोलीस आयुक्त संजय बर्वे यांच्या संकल्पनेतून हा उपक्रम सुरू करण्यात आला आहे. या कार्यक्रमाला मुंबई पोलीस आयुक्तालयातील सर्व वरीष्ठ पोलीस अधिकारी हजर होते.
