अवैध धंदे बंद करण्यासाठी रणरागिण्यांचा पोलीस ठाण्यातच ठिय्या

आमच्या गावामध्ये सर्व गावकरी गुण्या-गोविंदाने राहत असत. तसेच गावामध्ये कोणालाही व्यसन नव्हते. त्यामुळे गाव तंटामुक्त होते. गावामध्ये कोणतीही अप्रिय घटना घडत नव्हती. त्यामुळेच गावाला महात्मा गांधी तंटामुक्त पारितोषिक सुद्धा मिळाले. गावामध्ये आर्थिक, सामाजिक, धार्मिक सलोखा होता. मात्र, गावातील काही समाज कंटकांनी गावामध्ये अवैध दारूविक्री, जुगार आणि वरली मटक्याचा व्यवसाय सुरु केला आहे.

बुलडाणा - गावात सुरू असलेले अवैद्य दारू आणि इतर धंदे बंद करण्यासाठी महिलांनी पोलीस ठाणेच गाठले. जळगाव जामोद तालुक्यातील गाळेगाव खुर्द येथील महिलांनी काल (शुक्रवारी) 27 डिसेंबरला पोलीस ठाण्यात मोर्चा काढला. यावेळी या महिलांनी पोलीस ठाणेदार यांनी निवेदन दिले. तसेच जोपर्यंत गावात अवैध धंदे करणाऱ्यांवर कारवाई होत नाही तोपर्यंत आम्ही पोलीस ठाण्याचा परिसर सोडणार नाही, अशी भूमिका घेतली. महिलांच्या या भूमिकेमुळे पोलिसांची चांगलीच तारांबळ उडाली होती. यावेळी महिलांनी पोलीस प्रशासनावर हप्ते घेण्याचे थेट आरोप केले. तसेच 'साहेब तुमचे हप्ते बंद करा आणि आमचे कुटुंब वाचवा' अशी विनवणी केली.

आमच्या गावामध्ये सर्व गावकरी गुण्या-गोविंदाने राहत असत. तसेच गावामध्ये कोणालाही व्यसन नव्हते. त्यामुळे गाव तंटामुक्त होते. गावामध्ये कोणतीही अप्रिय घटना घडत नव्हती. त्यामुळेच गावाला महात्मा गांधी तंटामुक्त पारितोषिक सुद्धा मिळाले. गावामध्ये आर्थिक, सामाजिक, धार्मिक सलोखा होता. मात्र, गावातील काही समाज कंटकानी गावामध्ये अवैध दारूविक्री, जुगार आणि वरली मटक्याचा व्यवसाय सुरु केला आहे. या व्यसनाधीनतेमुळे सार्वजनिक शांतता आणि सुरक्षितता धोक्यात आलेली आहे. तसेच इतर शेजारील गावामध्ये उपरोक्त अवैद्य धंदे बंद असल्याने ते सर्व व्यसनाधीन आमच्या गावामध्ये येतात. त्यामुळे हे गाव व्यसनाधीन लोकांचे केंद्र झालेले आहे, अशी व्यथा या महिलांनी पोलिसांकडे मांडली.

हेही वाचा - मुंबई-गोवा महामार्गावर वाहतूक कोंडी, पोलिसांची दमछाक

गावामध्ये कॉन्व्हेंट शाळा, १ ते ८ जि.प. प्राथमिक शाळा, ८ ते १० पर्यंत माध्यमिक शाळा आहे. आजूबाजूच्या गावातील मुले-मुली शिक्षणासाठी गावात येत असतात. मुलींना मोफत पास असल्याने मुली बससाठी दररोज बस स्थानकावर बसतात. तेथेच ही व्यसनाधीन मंडळी नशेत या मुलींकडे वाईट नजरेने पाहात असतात. तसेच गावातील स्त्रियांना देखील बाहेरगावी जातांना, शेतात जाताना या लोकांच्या असभ्यपणामुळे लाज वाटून खाली मान घालून वावरावे लागत आहे. भांडणे आणि अश्लील शिवीगाळ ही तर आमच्या गावात नेहमीचीच बाब आलेली आहे. व्यसनामुळे गावातील अनेक पुरुष नानाविध आजाराने ग्रासलेले आहेत. अनेक व्यसनाधीन लोकाचे संसार कायमचे उद्ध्वस्त झालेले आहे, अशी व्यथा मांडत कारवाई महिलांनी कारवाईची मागणी केली आहे.

हेही वाचा - सीएए आंदोलनात हिंसा: अलिगढ मुस्लीम विद्यापीठातील १ हजार विद्यार्थ्यांवर गुन्हे दाखल

आता अशा परिस्थितीत पोलीस प्रशासन काय कारवाई करते हे बघणे महत्त्वाचे आहे.