बुलडाणा - शिवसेनेमध्ये कुठलीही फूट नाही. उलट फडणवीसांकडे असलेल्या ७४ आमदारांपैकी येत्या काळात किती आमदार शिल्लक राहतात याचा विचार त्यांनी करावा, असे प्रत्युत्तर फडणवीसांनी लावलेल्या टोल्याला जिल्ह्याचे शिवसेनेचे आमदार संजय गायकवाड यांनी लगावला आहे.
प्रतिक्रिया देताना शिवसेनेचे आमदार संजय गायकवाड
फडणवीसांकडून पंकजा मुंडे, एकनाथ खडसे यांच्यासारखे बहुजन परिवार संपवण्याचे कटकारस्थान रचल्या जात असल्याचे देखील आमदार संजय गायकवाड यांनी म्हटले. अब्दुल सत्तार यांनी आपल्या मंत्रिपदाचा राजीनामा दिल्याने शिवसेनेमध्ये आता गळती सुरू झाल्याचा टोला माजी मुख्यमंत्री देवेंद्र फडणवीस यांनी वाशीमध्ये शिवसेनेला हाणला होता. त्याचे प्रत्युत्तर आमदार गायकवाड यांनी बुलडाण्यातून दिले.
हेही वाचा- बुलडाण्यातील विद्यार्थ्याने दाखवला प्रामाणिकपणा; परत केले तब्बल दीड लाख
