बुलडाणा - यवतमाळ जिल्ह्यातील ‘टिपेश्वर’ अभयारण्यातून ज्ञानगंगा अभयारण्यात एका वाघाचे आगमन झाले आहे. गेल्या १५ दिवसांपासून विविध तालुक्यांमधील जंगल परिसरात तो फिरत होता. वन विभागाकडून त्याच्या हालचालींवर वर लक्ष ठेवले जात आहे.
तेलंगाणा राज्यातून सुरवातीला हा वाघ यवतमाळ जिल्ह्यात पोहोचला. तीन वर्ष वय असलेला हा वाघ आता ज्ञानगंगा अभयारण्यात आहे. पाच महिन्यांच्या कालावधीत या वाघाने तब्बल 1300 किलोमीटरचे अंतर कापले आहे.
हेही वाचा - वाघाचा 'तो' व्हायरल व्हिडिओ फेक; राजुरा वनविभाग वनपरिक्षेत्राधिकाऱ्यांची पुष्टी
ज्ञानगंगा अभयारण्य हे अस्वलांसाठी प्रसिद्ध आहे. जैवविविधता भरपून असल्याने वाघासाठी इथे मुबलक खाद्य उपलब्ध आहे. शिवाय वन विभागाच्या वतीने ठीकठीकाणी पाण्याची व्यवस्थादेखील करण्यात आली आहे. अभयारण्यात वाघाच्या वास्तव्यासाठी आवश्यक त्या सुविधा उपलब्ध असल्याने तो याठिकाणी आणखी काही दिवस राहू शकतो, अशी माहिती वनविभागाने दिली आहे.
