बुलडाणा - जिल्ह्यातील खामगावातील संजीवनी कॉलनीत २७ वर्षीय युवतीचा खून झाल्याची घटना आज शुक्रवारी दुपारी ३ वाजेच्या दरम्यान उघडकीस आली. भरदिवसा उघडकीस आलेल्या या घटनेमुळे खामगावात एकच खळबळ उडाली आहे. अश्विनी सुधीर निंबोकार (२७) असे खून झालेल्या युवतीचे नाव आहे.
घटनास्थळी पंचनामा करताना पोलीस
संजीवनी कॉलनीत एका मुलीचा मृतदेह पडला असल्याची माहिती मिळताच खामगाव शहर पोलीस घटनास्थळी दाखल झाले. युवतीच्या चेहऱ्यावर आणि पोटावर धारधार शस्त्राने वार करण्यात आले आहेत. हल्ल्यानंतर मारेकरी घटनास्थळावरून पसार होण्यात यशस्वी झाले असून, पोलीस आरोपींचा कसून शोध घेत आहेत. मृत युवती स्थानिक सनी पॅलेस भागात राहणारी असल्याचे समजते.
