बुलडाणा : उपप्रादेशिक परिवहन महिला अधिकाऱ्याच्या विरोधात तक्रार

जिल्ह्यातील उपप्रादेशिक परिवहन महिला अधिकाऱ्यावर कार्यालयीन वेळेत गैरहजर राहिल्याप्रकरणी तसेच कामांसाठी आर्थिक देवाण-घेवाण केल्याचा आरोप शिवसेनेचे गणेश सोनुने यांनी केला आहे.

बुलडाणा - जिल्ह्यातील उपप्रादेशिक परिवहन महिला अधिकाऱ्यावर कार्यालयीन वेळेत गैरहजर राहिल्याप्रकरणी तसेच कामांसाठी आर्थिक देवाण-घेवाण केल्याचा आरोप शिवसेनेचे गणेश सोनुने यांनी केला आहे. यासाठी त्यांनी अमरावती विभागाच्या प्रादेशिक परिवहन अधिकाऱ्यांसह जिल्हाधिकाऱ्यांकडे तक्रार केली आहे.

बुलडाणा उपप्रादेशिक परिवहन अधिकारी जयश्री दुतोंडे या कार्यालयीन वेळेत कामावर उपस्थित नसतात. तसेच मनमानी कारभार करत असल्याचा आरोप सोनुने यांनी केला आहे. त्यांनी संबंधित महिला अधिकाऱ्यावर लाच स्वीकारल्याचा आरोपही केला आहे. यासंबंधी काही तक्रारी त्यांच्याकडे आल्या होत्या. याची शहानिशा करायला ते सोमवारी दुपारी 3 वाजेच्या सुमारास बुलडाणा उपप्रादेशिक परिवहन अधिकारी कार्यालयात गेले. मात्र संबंधित महिला अधिकारी याठिकाणी उपस्थित नसल्याचे सोनुने यांनी सांगितले. त्यामुळे या अधिकाऱ्यावर कारवाई करून जिल्ह्याला पूर्णवेळ उपप्रादेशिक अधिकारी नेमावा अशी मागणी त्यांनी केली आहे.

अमरावती विभागाच्या प्रादेशिक परिवहन अधिकाऱ्यांसह जिल्हाधिकाऱ्यांकडे तक्रार केली आहे.

याबाबत 'ईटीव्ही भारत'ने उपप्रादेशिक परिवहन अधिकारी जयश्री दुतोंडे यांची प्रतिक्रिया जाणून घेण्याचा प्रयत्न केला. मात्र त्या 17 डिसेंबर व आज शुक्रवारी (18 डिसेंबर) रोजी कार्यालयात न आल्याची माहिती मिळाली.

अमरावती विभागाच्या प्रादेशिक परिवहन अधिकाऱ्यांसह जिल्हाधिकाऱ्यांकडे तक्रार केली आहे.