बुलडाणा - जिल्ह्यातील जगविख्यात लोणार सरोवराला आंतरराष्ट्रीय रामसर पाणथळ क्षेत्राचा दर्जा मिळाला आहे. या पार्श्वभूमीवर महाराष्ट्र राज्याचे मुख्यमंत्री उद्धव ठाकरे व पर्यटनमंत्री आदित्य ठाकरे हे उद्या जिल्ह्याच्या दौऱ्यावर असून, ते लोणार येथे येणार आहेत. दौऱ्यादरम्यान ते लोणार सरोवराची पाहणी करतील. मुख्यमंत्री आणि पर्यटन मंत्र्यांच्या दौऱ्यामुळे प्रशासन कामाला लागले आहे.
हेही वाचा - बुलडाणा: 527 ग्रामपंचायतींचे सरपंच निवडले जाणार तीन टप्प्यांमध्ये
या दौऱ्यानिमित्त लोणार विकासासंदर्भात घोषणा होण्याची शक्यता आहे. लोणार सरोवर हे जगप्रसिद्ध असून सरोवराचा विकास अद्याप झालेला नाही. यासाठी मुख्यमंत्री उद्धव ठाकरे व पर्यटन मंत्री आदित्य ठाकरे यांचा अचानक लोणार सरोवर दौरा जाहीर झाल्याने प्रत्येकाच्या भुवया उंचवल्या आहेत.
पर्यटकांची मांदियाळी वाढावी या दृष्टीने दौरा
लोणार सरोवराचा सर्वांगीन विकास होऊन या ठिकाणी देशी व विदेशी पर्यटकांची मांदियाळी वाढावी या दृष्टीने हा दौरा अपेक्षित आहे. मुख्यमंत्री व पर्यटन मंत्री लोणार सरोवरास भेट देऊन लोणार सरोवराचा विकास आढावा बैठक घेणार आहे. या पार्श्वभूमीवर महसूल विभाग, सार्वजनिक बांधकाम विभाग, वन्यजीव अभयारण्य विभाग व पोलीस यंत्रणेकडून मुख्यमंत्र्यांच्या दौऱ्यानिमित्त हेलीपॅडसाठी पाहणी करण्यात आली. हेलीपॅड तयार करण्यासाठी यंत्रणा सज्ज झाली आहे.
हेही वाचा - वाढीव वीज बिल व सक्तीच्या वसुलीविरोधात 5 फेब्रुवारीला भाजपचे टाळे ठोको आंदोलन
