बुलडाणा - शहरातील महत्त्वाच्या मुद्यावर नगराध्यक्षांनी आज ११ जूनला बोलावलेल्या विशेष सभेला खाते प्रमुखांच्या अुनपस्थितीमुळे सभा तहकूब करण्याची नामुष्की बुलडाणा नगर परिषदेवर ओढवली. नगर परिषदेच्या अधिकारी-कर्मचाऱ्यांवर नगराध्यक्षांचा वचक नाही, तसेच हे कर्मचारी अध्यक्षांचे ऐकत नाहीत, अशी टीका शिवसेनेचे उपजिल्हा प्रमुख संजय गायकवाड यांनी केले आहे. विशेष म्हणजे विशेष सभेमध्ये मुख्यधिकारी महेश वाघमोडे यांच्यासह १७ ते २० नगरसेवक-नगरसेविका उपस्थित होते. नगराध्यक्षा नजमुनिस्सा मोहम्मद सज्जादही या सभेला उपस्थित नव्हत्या.
नागरी घनकचरा व्यवस्थापन योजनेंतर्गत शहराचे साफसफाई करण्याबाबत विचार करून निर्णय घेणे, शहरात नागरिकांना करण्यात येणाऱ्या पाणीपुरवठा होण्यासाठी उपाययोजना करणे व जलशुद्धीकरण केंद्रावरील दुरुस्ती आणि आवश्यक कामे करण्याबाबत विचार करून निर्णय घेणे, शहरातील पथदिवे देखभाल व दुरुस्तीबाबत आवश्यक उपाययोजना करणे करिता विचार करून निर्णय घेणे, अशा नागरिकांच्या मुद्यांवर आज मंगळवारी नगराध्यक्षा नजमुनिस्सा सज्जाद यांनी विशेष सभा बोलावली होती.
या सभेमध्ये नगरपरिषदेतील एक ही खाते प्रमुखांनी उपस्थिती दर्शविली नाही तर परिषदेचे मुख्यधिकारी महेश वाघमोडे व १७ ते २० नगरसेवक-नगरसेविका यांची उपस्थिती होती. सोबत नगराध्यक्षा यांचे पती स्वीकृत नगरसेवक मोहम्मद सज्जाद, खातेप्रमुखांची उपस्थित नसल्यामुळे ही सभा तहकूब करण्याची नामुष्की बुलडाणा परिषदेवर ओढवली. माझ्या २८ वर्षांच्या कार्यकाळात पहिल्यांदा पाहिले की, अध्यक्षांनी विशेष सभा बोलावली आणि एकही कर्मचारी-अधिकारी माहिती देण्यासाठी उपस्थित नाही. नगरपरिषदेचे खातेप्रमुख उपस्थित नाही. सद्यस्थितीत विशेष सभेमधील तीनही विषय महत्त्वाचे आहेत. शहरातील पाणीटंचाई, दूषित पाणीपुरवठा तसेच शहरात पसरलेले घाणीचे साम्राज्य. असे असताना नगर परिषेदेचे कर्मचारी इतके बेजबाबदारपणे वागतात की त्यांच्याअभावी सभा तहकूब येण्याची नामुष्की नगर परिषेदेवर येत आहे.
उपमुख्याधिकारी म्हणाले की, विशेष सभा ही अध्यक्षांनी बोलावली आहे. त्यामध्ये आमचा काही संबंध नाही, यामुळे नागराध्यक्षांचा या कर्मचाऱ्यांवर वचक नाही किंवा हे कर्मचारी या अध्यक्षांचे ऐकत नाहीत. तहकूब झालेली सभा १२ जूनला होणार असून, याप्रकरणी आम्ही उत्तरे मागणार आहोत असे शिवसेनेचे संजय गायकवाड यांनी नगराध्यक्षांना मागणार आहेत.
