बुलडाणा - कोरोनाचा प्रादुर्भाव वाढू नये यासाठी देशासह राज्यात चौथा लॉकडाऊन सुरू करण्यात आला आहे. मात्र, लॉकडाऊनमध्ये आपली वाहने घेवून बिनकामी फिरणाऱ्या टवाळखोरांची संख्या कमी नाही. अशा बिनकामी फिरणाऱ्या टवाळखोरांवर जिल्हा वाहतूक पोलीस शाखेने पहिल्या लॉकडाऊनपासून १८ मे पर्यंत ८ हजार ९१२ टवाळखोरांच्या वाहनाला तब्बल २१ लाख ८२ हजार ७०० रुपयांचा ऑनलाईन पद्धतीने दंड ठोठावला.
लॉकडाउनमध्ये बिनकामी गाड्या फिरणाऱ्यांवर कारवाई
मार्च महिन्यात १ हजार ९२९ वाहनाला ५ लाख ७८ हजार ७०० रूपये, एप्रिल महिण्यात ४ हजार ६६३ वाहनाला ११ लाख ३४ हजार ९०० रुपये आणि आज सोमवारी १७ में पर्यंत २ हजार ३२० वाहनाला ४ लाख ४९ हजार १०० रुपये असे एकूण ८ हजार ९१२ टवळखोरांच्या वाहनाला २१ लक्ष ८२ हजार ७०० रुपयांचा दंड बुलडाणा जिल्हा वाहतूक पोलीस शाखेच्या वतीने ठोठावण्यात आला आहे.
