भंडारा - कुलरचा विद्युत शॉक लागलेल्या आईला वाचविण्याच्या प्रयत्नात एका 20 वर्षीय तरुण मुलाचा मृत्यू झाल्याची घटना लाखांदूर तालुक्यात घडली आहे. तर या घटनेत आई गंभीर जखमी असून तिच्यावर रुग्णालयात उपचार सुरू आहे.
राजेश बळीराम तुमन्ने (वय 20 वर्षे) असे मृत मुलाचे नाव असून अनुसया बळीराम तुमन्ने (वय 45 वर्षे), असे जखमी आईचे नाव आहे.
आज (दि. 4मे) सकाळी अनुसया नेहमीप्रमाणे (आई) सकाळच्या सुमारास घरातील केरकचरा केरसुनीने काढत होती. यावेळी घरातील कुलरदेखील सुरु होता. मात्र, सबंधित अनुसया या कुलर जवळुन केरसुनिने केरकचरा काढत असताना अचानक त्यांना विद्युत प्रवाहित कुलरचा शॉक लागल्याने तिने आरडा-ओरड केली. यावेळी घरात झोपुन असलेला मुलगा आईच्या ओरडण्याचे आवाज ऐकुण झोपेतून ऊठुन सरळ धावत आला. तेव्हा त्यालादेखील कुलरच्या विजेचा शॉक लागला.
या प्रकाराने सर्व कुटुंबिय खळबळुन जागे होऊन कुलरचा विद्युत प्रवाह बंद पाडुन दोघांनाही लाखांदुर येथील ग्रामीण रुग्णालयात ऊपचारासाठी दाखल केले. मात्र, ऊपचारादरम्यान मुलाचा मृत्यू झाला.जखमी आईवर ऊपचार सुरु आहे.
आईच्या बचावात मुलाचा जिव गेल्याच्या घटनेने लाखांदुरात हळहळ व्यक्त होत आहे. लाखांदुर पोलीसांनी घटनेची नोंद केली आहे. या घटनेचा तपास लाखांदुरचे ठाणेदार शिवाजी कदम यांचे मार्गदर्शनात पोलीस हवालदार गोपाल कोसरे करत आहेत.
हेही वाचा - वाघिणीच्या हल्ल्यात महिलेचा मृत्यू, पवनी वनपरिक्षेत्रातील घटना
