भंडारा - बहुजन समाज पक्षाने भंडारा - गोंदिया लोकसभा मतदारसंघातुन यावेळी महिला उमेदवार डॉ. विजया राजेश नांदुरकर (ठाकरे ) यांना रिंगणात उतरविले आहे. बसपने पहिल्यांदा ओबीसी महिलेला संधी दिलीआहे.
पवनी येथील डॉ. विजया राजेश नांदुरकर (ठाकरे) यांना उमेदवारी जाहीर केली आहे. डॉ. विजया नांदुरकर यांनी गेल्या २ वर्षापुर्वी झालेल्या पवनी नगरपरिषदेच्या निवडणुक रिंगणातही नगराध्यक्षपदासाठी बसपकडून निवडणुक लढविली होती.
डॉ. विजया नांदुरकर यांचे सामाजिक कार्यात योगदान आहे. फुले-शाहू-आंबेडकरी विचांराचा पगडा असलेल्या डॉ. विजया या ओबीसी समाजाच्या जनजागृतीत नेहमी पुढे राहतात. त्यांचे पती राजेश नांदुरकर हे बहुजन समाज पक्ष भंडारा जिल्ह्याचे अध्यक्ष आहेत.
