बीड - शहरातील स्वराज्यनगर परिसरातील एटीएम येथून स्कुटीची डिक्की तोडून 8 लाख रुपये पळवल्याची घटना समोर आली आहे. ही घटना मंगळवारी दुपारी 2 च्या सुमारास बार्शी रोडवर घडली. घटनेची माहिती मिळताच शिवाजीनगर पोलिसांनी घटनास्थळी धाव घेतली.
याबाबत अधिक माहिती अशी की, ऋषिकेश भारत गणगे, यांनी स्वराज्य नगर परिसरात एक एटीएम चालवण्यास घेतले आहे. नेहमीप्रमाणे त्यांनी बँकेतून पैसे एटीएममध्ये भरण्यासाठी आणले होते. ते पैसे त्यांनी स्कुटीच्या डिक्कीमध्ये ठेवले होते. त्यानंतर ते शेजारीच त्यांच्या वडिलांकडून चावी घेण्यासाठी हॉटेलमध्ये गेले.
त्यावेळी पाळतीवर असलेल्या 2 चोरांनी डिक्कीतील पैसे घेऊन पोबारा केला. काही सेकंदात हा प्रकार घडला. घटनास्थळी शिवाजीनगर पोलीस ठाण्याचे पोलीस निरीक्षक शिवलाल पुरभे हे दाखल झाले आहेत. याप्रकरणी पोलीस अधिक तपास करत आहेत.
