बीड - मनसे अध्यक्ष राज ठाकरे यांची काल (गुरूवार) ईडीकडून चौकशी करण्यात आली होती. ईडीकडून नोटीस देऊन कोहिनूर प्रकरणात त्यांना जाणीवपूर्वक गोवण्यात आले असल्याचे सांगत. बीड जिल्ह्यातील केज येथे मनसे कार्यकर्त्यांनी अंबाजोगाई-मांजरसुंबा मार्ग अडवून टायरांची जाळपोळ केली. यावेळी हा मार्ग काही काळ ठप्प झाला होता. कार्यकर्त्यांनी केलेल्या घोषणाबाजीमुळे केज परिसर दणाणून गेला होता.
बीड जिल्ह्यातील केज येथील मनसे कार्यकर्त्यांनी यावेळी सरकार विरोधात जोरदार घोषणाबाजी केली. मनसेचे सुमन धस व कल्याण केदार यांचा आंदोलनामध्ये सहभाग होता. आंदोलनाची माहिती मिळताच पोलिसांनी घटनास्थळी पोहोचून काही मनसे कार्यकर्त्यांना ताब्यात घेतले व कारवाई करून सोडून दिले. अंबाजोगाई-मांजरसुंबा मार्गावर मनसे कार्यकर्त्यांनी टायर देखील जाळले.