औरंगाबाद : गंगापूर तालुक्यातील देवळी येथील कापूस व्यापारी औरंगाबाद येथून हवाल्याचे पैसे घेऊन परत निघाले होते. त्यावेळी त्यांच्या स्विफ्ट कारला सोलापूर धुळे महामार्गावर करोडी पुलाजवळ चोरट्यांनी अडवले. मोटारसायकलवरून आलेल्या दोन चोरट्यांनी कारची समोरील काच फोडून पिस्तूल लावला. बंदुकीचा धाक दाखवून कापूस व्यापाऱ्याला लुटले. ही घटना सोमवारी सायंकाळी आठवाजेच्या दरम्यान सोलापूर धुळे महामार्गावर करोडी फाटा येथे घडली आहे.
व्यापाऱ्यावर रोखली बंदूक : लासुर स्टेशन येथील कापूस व्यापारी साईनाथ तायडे व चालक अनिल भुसारे हे स्विफ्ट कार क्रमांक एम.एच २० सी.एस ३९१५ गाडीने औरंगाबाद येथील कोमटेश मार्केट येथून कापसाच्या हवाल्याचे साडे सत्तावीस लाख रुपये घेऊन लासुर स्टेशनकडे सोलापूर मार्गाने येत होते. तेव्हा करोडी फाट्यावरील फुलावर गाडी अडवून मोटरसायकलने आलेल्या दोघा चोरट्यांनी गाडीत बसलेल्या कापूस व्यापारी साईनाथ तायडे यांच्या हातावर दांड्याने मारले. तसेच कारची समोरील काच फोडत त्यांनी कापूस व्यापाऱ्यावर बंधुक रोखत आणलेली पैशाची बॅग चोरून नेली. अशी फिल्मी स्टाईल धक्कादायक घटना करोडी जवळील फुलावर घडली. लगेच कापूस व्यापारी व त्यांच्या चालकाने घटनेची माहिती कळवताच देवळी येथील ग्रामस्थांनी घटनास्थळाकडे धाव घेतली. तोपर्यंत एलसीबीसह दौलताबाद हद्दीतील घटना असल्याने तेथील पोलीस घटनास्थळी पोहोचले. या घटनेने दहशतीचे वातावरण निर्माण झाले आहे.
लाकडी दांड्याने मारहाण : सोमवारी रात्री ८ वाजेच्या सुमारास औरंगाबादहून लासुरकडे जाण्यासाठी धुळे सोलापूर मार्गावर करोडी येथील उड्डाण पुलावरून वळण घेत होते. त्यावेळी समोरून लाल रंगाच्या दुचाकीवरून आलेल्या दोघा भामट्यांनी तायडे यांच्या कारसमोर दुचाकी आडवी लावली. अचानक तायडे यांच्या कारला लाकडी दांड्याने मारहाण करायला सुरुवात केली. अचानक घडलेल्या या प्रकारामुळे तायडे कारमधून बाहेर आले. तायडे कारच्या बाहेर येताच दोघा भामट्यांनी तायडे यांनाही लाकडी दांड्याने मारहाण केली.
मारहाण करून चोरटे पसार : कारमधील २७ लाख रुपये असलेली बाग हिसकावून भामटे दुचाकीवरून सजापुरच्या दिशेने पसार झाले. दरम्यान घटनेची माहीत मिळताचपोलीस उपायुक्त दीपक गिरे, वाळूज एमआयडीसी पोलीस ठाण्याचे वरिष्ठ पोलीस निरीक्षक संदीप गुरमे, दौलताबाद पोलीस ठाण्याचे निरीक्षक विनोद सलगर, स.पोलीस निरीक्षक गीते, पोलीस उपनिरीक्षक चेतन ओगले, सचिन वायाळ, पोहेकॉ. राजाभाऊ कोल्हे, यशवंत गोबाडे सुरज अग्रवाल, आयुब पठाण आदींनी घटनास्थळी भेट देऊन घटनेची माहिती घेतली.
