औरंगाबाद - राज्य राखीव पोलीस बलाच्या महाराष्ट्रातील 16 गटांच्या 29 व्या राज्यस्तरीय क्रीडा स्पर्धेला आज औरंगाबादमध्ये प्रारंभ झाला. ही स्पर्धा दिनांक 17 ते 22 नोव्हेंबर या कालावधीत शहरातील 'भारत राखीव बटालीयन'च्या मैदानावर होत आहेत.
हेही वाचा - स्वत:च्या भावाचा 'झेल' घेताना ऑस्ट्रेलियाच्या क्रिकेटपटूचं फुटलं नाक!.. पाहा व्हिडिओ
या राज्यस्तरीय स्पर्धेसाठी राज्यभरातून राखीव बलाचे एकुण 2000 अधिकारी व जवान शहरात दाखल झाले आहेत. या स्पर्धेत कबड्डी, खोखो, हॅण्डबॉल, बास्केट बॉल, व्हॉलीबॉल, फुटबॉल व हॉकी या सांघिक खेळांसह पोहणे, धावणे, कुस्ती, बॉक्सिंग, वेटलिप्टींग, ज्युदो, गोळा फेक, थाळी फेक, भाला फेक, हॅमर थ्रो, मॅरेथॉन व क्रॉस कंन्ट्री या खेळांचाही समावेश आहे. राज्य राखीव पोलीस बल गट क्र.14 औरंगाबादचे समादेशक सुरेश माटे यांच्या हस्ते या स्पर्धेला प्रारंभ झाला.
