औरंगाबाद - विधानसभा निवडणुकांसाठी मतदान पार पडले आहे. मराठवाड्यात सरासरी 68 टक्के मतदान झाले आहे. तर, 2014 मध्ये हा आकडा सरासरी 65 टक्क्यांपर्यंत होता. या निवडणुकीत मराठवाड्यात आघाडीला आपले अस्तित्व टिकवण्याचे आव्हान असणार आहे. लोकसभा निवडणुकीत मराठवाड्यातील ८ पैकी ७ जागांवर युतीला यश मिळाले तर, औरंगाबादच्या एका जागेवर एमआयएमने विजय मिळवला होता. त्यामुळे लोकसभा निवडणुकीत आघाडीला अपयश मिळाल्यानंतर आता विधानसभा निवडणुकीत मराठवाड्यात अस्तित्व 'टिकवण्याचे आव्हान काँग्रेस-राष्ट्रवादीसमोर आहे.
हेही वाचा - कुर्ल्यात पोलिसांवरील हल्ल्यामागे भाजपच्या स्थानिक नेत्यांचा हात - नवाब मलिक
2014 ची आकडेवारी -
त्यावेळी सर्वच पक्षांनी स्वबळावर निवडणुका लढवल्या होत्या.
- काँग्रेस - 9
- राष्ट्रवादी - 8
- शिवसेना - 11
- भाजप - 15
- इतर - 3
- एकूण जागा - 46
2014 ची राजकीय परिस्थिती -
2014 आधी म्हणजेच मोदी लाट येण्याआधी मराठवाड्यात कोणत्याही पक्षाचा दबदबा कायम राहिला नाही. 2009 च्या निवडणुकीत युतीला नाकारणाऱ्या मराठवाड्याने 2014 च्या विधानसभा निवडणुकीत सेना-भाजपला भरभरून मतं दिलीत. 2014 च्या विधानसभा निवडणुकीत सेना - भाजपला 26 जागांवर विजय मिळाला होता. मात्र, त्यानंतर पाच वर्षात अनेक अपक्ष भाजप - सेनेत दाखल झाले. त्यामुळे युतीच्या आमदारांची संख्या वाढली.
हेही वाचा - चेंबूरमध्ये बेपत्ता मुलीला न्याय मिळवून देण्यासाठी हजारो लोक रस्त्यावर; दोन पोलीस व्हॅनची तोडफोड
2019 ची राजकीय परिस्थिती -
2014 च्या आधी मराठवाड्यात काँग्रेस आणि राष्ट्रवादीचे प्राबल्य होते. अनेक महत्वाचे मंत्री आघाडीच्या काळात मराठवाड्यातले होते. मात्र, 2014 च्या विधानसभा निवडणुकीत मोदी लाट आली आणि समीकरणं बदलली. त्यानंतर मराठवाडा हा आता भाजपकडे आहे. तब्बल 15 आमदार भाजपच्या पारड्यात आहेत. तसेच आघडीला मराठवाड्तही भाजप-सेनेने खिंडार पाडले असून अनेक नेते युतीच्या गळाला लागले आहेत. मंत्री जयदत्त क्षीरसागर, सुरेश धस, राणाजगजितसिंह पाटील हे मोठे नेते युतीत सामील झाले आहेत. त्यामुळे मेगाभरतीनंतर मतदारांचा कौल कोणाला जाणार हे पाहणे महत्वाचे असणार आहे.
हेही वाचा - मुंबईत बँक कर्मचाऱ्यांचे विविध मागण्यांसाठी आज पुन्हा संप
लक्षवेधी लढत -
- परळी - पंकजा मुंडे (भाजप) Vs धनंजय मुंडे (राष्ट्रवादी)
- बीड शहर - जयदत्त क्षीरसागर (शिवसेना) Vs संदीप क्षीरसागर (राष्ट्रवादी)
- भोकर - अशोक चव्हाण (काँग्रेस) Vs बापूसाहेब गोरठेकर (भाजप)
दरम्यान, विधानसभेसाठी मतदान तर झाले आहे. आता 24 ऑक्टोबरला निकाल लागणार असून याकडे सर्वांचे लक्ष लागले आहे.
