मराठा समाजाची दिशाभूल होऊ देणार नाही; १६ जूनपासून मूक आंदोलन - संभाजीराजे छत्रपती

'मराठा आरक्षणप्रश्नी आपली भूमिका स्पष्ट' करत संभाजीराजे (१६ जून) पासून आंदोलनाची घोषणा केली आहे. या मूक आंदोलनाची सुरुवात कोल्हापूर येथील राजर्षी शाहु महाराज यांच्या समाधीस्थळापासून होणार आहे. तसेच, पुणे ते मुंबई लाॅगमार्च काढण्यात येणार आहे. या आंदोलनाचा एक भाग म्हणून खासदार संभाजीराजे भोसले यांनी शनिवारी गंगापूर तालुक्यातील कायगाव येथे काकासाहेब शिंदे स्मृतिस्थळास अभिवादन केले.

गंगापूर (औरंगाबाद) - खासदार छत्रपती संभाजी राजे यांनी शनिवारी कायगाव येथील काकासाहेब शिंदे स्मृतीस्थळास अभिवादन केले. यावेळी बोलताना ते म्हणाले की, १६ जूनपासून मूक आंदोलनाला सुरुवात करणार आहोत. मराठा समाजाने आरक्षणाच्या मागणीसाठी ५८ मोर्चे काढत आपली ताकद दाखवली आहे. राज्य सरकारकडे पाच मागण्या केले आहेत. त्यावर राज्य सरकारने विचार करावा. तर पुढील आंदोलनाचा प्रश्नच येणार नाही. आम्ही इथून पुढे ५ जिल्हात मूक आंदोलन करणार आहोत. मी मराठा समाजाची दिशाभूल होऊ देणार नाही. आम्हाला कोणत्याही पक्षाशी देणे-घेणे नाही, गरीब समाजाला न्याय द्यावा, हीच आमची मागणी असल्याचेही यावेळी संभाजीराजे म्हणाले आहेत.

पुणे ते मुंबई लाॅगमार्च काढणार -

'मराठा आरक्षणप्रश्नी आपली भूमिका स्पष्ट' करत संभाजीराजे (१६ जून) पासून आंदोलनाची घोषणा केली आहे. या मूक आंदोलनाची सुरुवात कोल्हापूर येथील राजर्षी शाहु महाराज यांच्या समाधीस्थळापासून होणार आहे. तसेच, पुणे ते मुंबई लाॅगमार्च काढण्यात येणार आहे. या आंदोलनाचा एक भाग म्हणून खासदार संभाजीराजे भोसले यांनी शनिवारी गंगापूर तालुक्यातील कायगाव येथे काकासाहेब शिंदे स्मृतिस्थळास अभिवादन केले. यावेळी त्यांनी काकासाहेब शिंदे यांच्या बंधूंचीही भेट घेतली. मराठा समाजासाठी ज्या बांधवांनी बलिदान दिले आहे. त्याच्या घरातील व्यक्तीस सरकारने नोकरीस रूजू करावे, अशी सरकारला विनंती केली आहे. यावेळी औरंगाबाद नगर महामार्गावर सकाळपासून कायगाव पुलावर मोठा पोलीस बंदोबस्त होता.

मराठा समाजाला रस्त्यावर उतरने हिताचे ठरणार नाही -

१६ जूनला छत्रपती शाहु महाराजांच्या समाधीचे दर्शन घेऊन मुक आंदोलन सुरू करणार आहोत. त्यानंतर औरंगाबाद, नाशिक, अमरावती, रायगड, कोल्हापुर या पाच जिह्याची निवड केलेली आहे. सरकारने लॉंग मार्च काढण्याची, ३६ जिल्हे फिरण्याची वेळ येऊ देऊ नये, सध्याच्या परिस्थितीत मराठा समाजाने रस्त्यावर उतरने हिताचे ठरणार नाही. यामुळे त्यापूर्वी सरकारने आपली भुमिका स्पष्ट करावी असे यावेळी ते म्हणाले.

मराठा बांधवावर दाखल झालेले गुन्हे मागे घ्यावेत -

हुतात्मा काकासाहेब शिंदे यांच्या जलसमाधीच्या वेळेला ज्या मराठा बांधवावर गुन्हे दाखल झाले आहेत. ते सरकारने मागे घ्यावे, ज्या कायगावच्या पुलावरून उडी मारुन काकासाहेबांनी जलसमाधी घेतली, त्या पुलाला हुतात्मा काकासाहेब शिंदे यांचे नाव देण्यासाठी प्रयत्न करणार असल्याचे त्यांनी यावेळी सांगितले.
हेही वाचा - समाज बोलला, आम्ही बोललो आता लोकप्रतिनिधींनो तुम्ही बोला - खासदार संभाजी राजे