औरंगाबाद - वाळूज एमआयडीसी परिसरातील सिडको महानगर-१ येथे असलेल्या अ‌ॅक्सिस बँकेचे एटीएम फोडण्याचा प्रयत्न चोरट्यांनी केल्याची घटना उघडकीस आली आहे. चोरट्यांकडून एटीएमचा पत्रा कापल्या न गेल्याने एटीएममधील रक्कम चोरट्यांच्या हाती लागली नाही.
वाळूज एमआयडीसी परिसरात असलेल्या सिडको महानगर-१ येथे अ‌ॅक्सिस बँकेचे एटीएम आहे. शुक्रवारी मध्यरात्रीच्या सुमारास एटीएममध्ये शिरलेल्या चोरट्यांनी एटीएम मशिन फोडण्याचा प्रयत्न केला. त्यापुर्वी चोरट्यांनी एटीएम सेंटरमध्ये असलेल्या सीसीटीव्ही कॅमेऱ्याची देखील तोडफोड केली. चोरट्यांकडून एटीएमचा पत्रा कापल्या न गेल्याने एटीएममधील रक्कम चोरट्यांच्या हाती लागली नाही. हा प्रकार उघडकीस आल्यावर एमआयडीसी वाळूज पोलीसांनी धाव घेत पाहणी केली. या घटनेची नोंद एमआयडीसी वाळूज पोलीस ठाण्यात करण्यात आली आहे.
हेही वाचा -नाशिकमध्ये गोडाऊन फोडून लाखो रुपयांचा मद्यसाठा लंपास; घटना सीसीटीव्हीत कैद
