थ्रेशरमध्ये अडकून मजुराचा मृत्यू, अमरावतीच्या तिवसा येथील घटना

तिवासा येथे सोयाबीन काढताना थ्रेशरमध्ये अडकून एका 22 वर्षीय मजुराचा मृत्यू झाला. निखिल किसनराव खैरकार (रा. तिवसा) असे मृत मजूराचे नाव आहे.

अमरावती - तिवासा येथे सोयाबीन काढताना थ्रेशरमध्ये अडकून एका 22 वर्षीय मजुराचा मृत्यू झाला. निखिल किसनराव खैरकार (रा. तिवसा) असे मृत मजूराचे नाव आहे.

हेही वाचा - 'महा' विधानसभा : 'विदर्भ' भाजप आपला गड राखणार का ?

निखिल खैरकार नेहमीप्रमाणे सोयाबीनची मळणी करणाऱ्या थ्रेशरवर काम करत होता. थ्रेशरमध्ये सोयाबीन टाकत असताना त्याचा तोल गेल्याने तो थ्रेशरमध्ये अडकला. यंत्रात अडकून निखिलचा चेंदामेंदा झाला. त्याचा मृतदेह तिवसा ग्रामीण रुग्णालयात आणला. त्यावेळी नागरिकांनी प्रचंड गर्दी केली होती. तिवसा पोलिसांनी ग्रामीण रुग्णालयात जाऊन पंचनामा करुन पुढील तपास सुरू केला आहे.