अमरावती- धारणी तालुक्यातील गोलाई गावातील महादेव मंदिर हे मेळघाटातील भाविकांचे श्रद्धास्थान आहे. येथील उंच कड्यांवरून कोसळणार धबधबा आणि धबधब्यांच्या मागे कपारीत महादेव मंदिर आहे. आज श्रावण सोमवार निमित्ताने महादेवाचे दर्शन घेण्यासाठी भाविकांची मोठ्या प्रमाणात गर्दी होत आहे.
अडीच हजार लोकवस्तीचे गोलाई हे गाव आहे. या गावात ५० वर्षांपूर्वी मेळघाटात भारतीय रेल्वेने अकोट ते खडवा ही रेल्वे लाईन सुरू करण्याचे काम हाती घेतले तेव्हा मराठवाड्यातील अनेक कामगार या परिसरात आले. त्यापैकी अनेक जण या भागात स्थायिक झालेत. यापैकी सुमारे दीड-दोनशे कुटुंब गोलाईत वसले आहेत. आम्ही या गावात येण्याआधीच फार प्राचीन काळापासून महादेवाचे मंदिर गावात असल्याचे ग्रामस्थ सांगतात. श्रावण महिण्यात प्रत्येक सोमवारी मेळघाटातील आदिवासी, बिगर आदिवासी भाविक मंदिरात महादेवाच्या दर्शनासाठी येतात. गावात येण्यासाठी रस्ता चांगला आहे. मात्र, पूर्व मेळघाटात आमचे अखेरचे गाव असल्याने पुरेशी वाहतूक सेवा नाही. वाहतूक व्यवस्था योग्यपणे झाली तर भाविकांना मंदिरात येण्यासाठी सुविधा होईल अशी ग्रामस्थांची मागणी आहे.
