'राणा दाम्पत्य' मेळघाट दौऱ्यावर, जीवनावश्यक वस्तू, पीपीई कीटचे केले वितरण

मेळघाट परिसरातही आता कोरोनाचे संक्रमण वाढू नये, यासाठी खासदार नवनीत राणा आणि आमदार रवी राणा यांनी मेळघाटात दौरा सुरू केला आहे. यावेळी त्यांनी वैद्यकीय क्षेत्रात काम करणाऱ्या डॉक्टर, नर्स आदींना पीपीई कीटचे वाटप केले.

अमरावती - संचारबंदीच्या काळात मेळघाटातील मजूर आपल्या गावी येत आहेत. त्यामुळे मेळघाट परिसरातही आता कोरोनाचे संक्रमण वाढू नये, यासाठी खासदार नवनीत राणा आणि आमदार रवी राणा यांनी मेळघाटात दौरा सुरू केला आहे. यादरम्यान त्यांनी धारणी येथे पीपीई कीटचे वितरण करुन अधिकाऱ्यांना सूचनाही केल्या आहेत.

टाळेबंदीच्या काळात अनेक आदिवासी मजुरांना रोजगार नसल्याने त्यांना खासदार नवनीत राणा व आमदार रवी राणा यांनी जीवनावश्यक वस्तू दिल्या. यावेळी मेळघाटचे आमदार राजकुमार पटेल हे देखील उपस्थित होते.