अमरावती - जिल्ह्यातील तिवसा येथे अप्पर वर्धा धरणाच्या मुख्य कालव्यात एक तरूण वाहून गेल्याची घटना आज (8 जानेवारी) दुपारच्या सुमारास घडली. पुलावर बसलेल्या तरुणाचा तोल गेल्याने तो पुलावरून थेट मुख्य कालव्यात पडला. शक्ती चंदर भोसले (वय 31), वाहून गेलेल्या तरुणाचे नाव आहे.
हेही वाचा - नदीपात्र ओलांडताना आजोबांसह तीन नाती गेल्या वाहून; एक मुलगी बेपत्ता
शक्ती चंदर भोसले हा दुपारी कालव्याच्या पुलावर बसला होता. त्याचा तोल गेल्याने तो कालव्यात पडून वाहून गेला. या कालव्यात शेती सिंचनासाठी पाणी सोडले जाते. वाहून गेलेला तरुण अद्यापही बोपत्ता आहे. त्याचा शोध घेण्यासाठी बचाव पथकाला पाचारण करण्यात आले आहे.
