अमरावती - जिल्ह्यातील धामणगाव रेल्वे शिवारात दुपारी एका शेतकऱ्याला शेतात काम करत असताना अजगर आढळला. झुडपात दडलेल्या अजगराला पाहुन परिसरात भीतीचे वातावरण निर्माण झाले होते. वनविभागाला घटनेची माहिती देण्यात आली. दरम्यान, वनविभागाच्या बचाव दलाने तत्काळ घटनास्थळी धाव घेऊन अजगराला ताब्यात घेतले.
अमरावतीच्या धामणगाव रेल्वेत आढळला १२ फूटांचा अजगर
अजगराने हरणाची शिकार केली होती. त्यामुळेच त्याचा वेग मंदावला आणि तो झुडपांमध्ये लपून बसला असावा, असा अंदाज वनविभागाने वर्तवला आहे. अजगराला पाहण्यासाठी परिसरात नागरिकांनी गर्दी केली होती.
