अमरावती : पहिल्या राज्यस्तरीय राष्ट्रसंत तुकडोजी महाराज विचार साहित्य संमेलनाचे उद्घाटन उद्घाटन दुपारी तीन वाजता आचार्य हरिभाऊ वेरुळकर यांच्या उपस्थितीत डॉक्टर सुभाष सावरकर यांच्या हस्ते होणार आहे. आज आचार्य हरिभाऊ वेरूळकर यांची प्रकट मुलाखत तसेच प्राध्यापक जयश्री सोनारे यांचा स्वरधारेचा राष्ट्रसंत भजन संगीत मैत्रीचा कार्यक्रम तसेच रात्री आठ ते दहा वाजेपर्यंत कवी संमेलनाचे आयोजन करण्यात आले आहे.
राष्ट्रसंतांची जन्मभूमी : अमरावती जिल्हा ही राष्ट्रसंतांची जन्मभूमी आहे. त्यांच्या विचारांचा प्रचार प्रसार व्हावा या हेतूनेच त्यांच्याच जन्मभूमीत पहिले राष्ट्रीय तुकडोजी महाराज विचार साहित्य संमेलन अमरावतीत भरवण्यात येणार आहे. येथील अभियंता भवन येथे ४ आणि ५ फेब्रुवारी असे दोन दिवस या संमेलनाचे आयोजन करण्यात आले आहे. राष्ट्रसंत तुकडोजी महाराज यांच्या 54 पुण्यस्मरण निमित्त पहिले राज्यस्तरीय राष्ट्रसंत तुकडोजी महाराज विचार साहित्य संमेलनाचे आयोजन अमरावतीत करण्यात आले आहे. श्री गुरुदेव सेवा मंडळाचे अजून प्रचारक आचार्य हरिभाऊ वेरुळकर यांच्या मार्गदर्शनाखाली हे राज्यस्तरीय संमेलन संपन्न होणार आहे. येथील अभियंता भवन येथे 4 व 5 फेब्रुवारी दरम्यान सेवा फाऊंडेशन व राष्ट्रधर्म युवा मंच राष्ट्रसंत तुकडोजी महाराजांचे विचार समाजालारावती जिल्हा यांच्यावतीने या राज्यस्तरीय संमेलनाचे आयोजन करण्यात आले आहे.
विचारांचा प्रचार व प्रसार हा मुख्य हेतू : अमरावती जिल्ह्यातील यावली हे राष्ट्रसंतांची जन्मभूमी आहे. त्यांच्या विचारांचा प्रचार व प्रसार होऊन सर्व घटकांपर्यंत पोहोचावा या मुख्य हेतूने या राज्यस्तरीय संमेलनांचे आयोजन करण्यात आल्याची माहिती आयोजन समिती दिली आहे. हे राज्यस्तरीय संमेलन शिस्तबद्ध व सुरळीत पार पाडावे यासाठी मार्गदर्शन समिती, आयोजन समिती , व्यवस्थापन समिती, भोजन समिती, स्वच्छता व शिस्त समिती, सामुदायिक ध्यान प्रार्थना समिती, पाणी व वाहन समिती अशा विविध समित्यांचे गठन लवकरच होणार असून वेरुळकर गुरुजी यांच्या प्रमुख उपस्थितीत एका बैठकीच्या बैठकीदरम्यान ही माहिती देण्यात आली आहे.
नवतरुणांना मोठ्या प्रमाणात संधी : कार्यक्रमाचे आयोजनामध्ये नवतरुणांना मोठ्या प्रमाणात संधी मिळणार असल्याचे समजते त्या अनुषंगाने राष्ट्रधर्म युवा मंच केंद्रीय प्रवक्ते अंकुश मानकर यां आयोजन समितीचे अध्यक्ष पदी नियुक्ती करण्यात आली आहे तर उपाध्यक्ष बाळासाहेब बरगट अशा प्रकारे कार्यकारिणीचे निर्माण केले आहे . या संमेलनाचे प्रमुख मार्गदर्शक आचार्य हरिभाऊ वेरुळकर गुरुजी ,डॉ. नरेंद्र रामेश्वर बर्गड, ह. भ. प. नामदेव महाराज गव्हाणे दिनकर चौरे राहणार आहेत.
संमेलनाला राज्यभरातून येणार लोक : या पहिल्या राज्यस्तरीय राष्ट्रसंत विचार साहित्य संमेलन आज राज्यभरातील लोक उपस्थित राहणार असल्याचे आयोजकांनी सांगितले आहे.
साहित्य संमेलनामध्ये एकूण चार परिसंवाद होणार असून सकाळी दहा वाजता पासून तर दुपारी चार वाजेपर्यंत या परिसंवादामध्ये महाराष्ट्रातील नामवंत व्यक्ती राष्ट्रसंतांच्या साहित्य विचार मंथन करणार आहे. या कार्यक्रमाचा समारोप सप्त खंजिरी वादक प्रबोधनकार सत्यपाल महाराज यांच्या शिष्यांचा प्रबोधन होणार आहे.
प्रवचनकार तत्त्वचिंतक मान्यवरांना निमंत्रण : राज्यस्तरीय संमेलनाच्या भावी आयोजनामध्ये अमृत जिल्ह्याबरोबरच बाहेर जिल्ह्यातून सुद्धा संत साहित्यिक लेखक, कवी, समीक्षक, पत्रकार व्याख्याते, प्रवचनकार तत्त्वचिंतक मान्यवरांना निमंत्रित करण्यात येणार आहे. कीर्तन श्री गुरुदेव प्रेमी व सर्व समविचारी अभ्यासक मंडळींनी यशस्वी करण्यास सहकार्य करावे असे आवाहन आयोजक समिती आणि मार्गदर्शक डॉक्टर नरेंद्र दराडे डॉक्टर रमेश बर्गड ह. भ. प. गवाडे महाराज, दिनकर चोरे यांच्यावतीने करण्यात आले आहे.
हेही वाचा : Officer Dies Due To Heart Attack : अमरावतीत मतमोजणी दरम्यान अधिकाऱ्याचा हृदयविकाराच्या झटक्याने मृत्यू
