Comfort To Passengers Amaravati : अमरावती जिल्ह्यातल्या दोन आगारातील बससेवा काही अंशी सुरू, विद्यार्थी व नागरिकांना दिलासा..

एसटी कामगारांचा संप ( ST Workers Strike ) सुरु झाल्यापासून पूर्णपणे बंद असलेली अमरावती जिल्ह्यातील बससेवा ( Amaravati District Bus Service ) काही अंशी सुरु झाली आहे. जिल्ह्यातल्या वरुड आणि मोर्शी ( Warud Morshi Depot Bus Started ) या दोन डेपोतील काही कर्मचारी कामावर परतल्याने नागरिक व विद्यार्थी प्रवाशांना दिलासा ( Comfort To Passengers Amaravati ) मिळाला आहे.

अमरावती: एसटी महामंडळाचे राज्य सरकारमध्ये विलनीकरण करावे, या प्रमुख मागणीसाठी मागील 41 दिवसांपासून राज्यभरातील एसटी कर्मचारी ही संपावर ( ST Workers Strike ) गेले आहेत. परिवहन मंत्री अनिल परब यांनी एसटी कर्मचाऱ्यांच्या पगारात वाढ केल्यानंतरही एसटी कर्मचारी हे एसटीचे विलीनीकरण राज्य सरकारमध्ये करावे, या मागणीसाठी ठाम आहेत. 41 दिवसांपासून सुरू असलेल्या या संपामुळे विद्यार्थी आणि नागरिकांना प्रचंड त्रास सहन करावा लागत आहे. अमरावती जिल्ह्यातही 41 दिवसांपासून एसटीचे चाक थांबले (Amaravati District Bus Service ) आहे. त्यामुळे विद्यार्थ्यांचे प्रचंड हाल होत आहेत, असं असलं तरी मात्र अमरावतीच्या वरूड आणि मोर्शीमधील नागरिकांना काही अंशी दिलासा मिळाला ( Comfort To Passengers Amaravati ) आहे. कारण वरुड, मोर्शी आगारातील काही कर्मचारी दहा दिवसापूर्वी कामावर परतल्याने येथील एसटीच्या चार ते पाच फेऱ्या अमरावतीसाठी सुरू झाल्या ( Warud Morshi Depot Bus Started ) आहेत. अमरावती जिल्ह्यातील वरुड आणि मोर्शी हे एकमेव आगार आहे. तेथील बससेवा काही अंशी सुरू झाल्याने नागरिकांना दिलासा मिळाला आहे..

जिल्ह्यात 345 कर्मचारी परतले कामावर

अमरावतीचा विचार करता आतापर्यंत 345 एसटी कर्मचारी हे कामावर परतले असले तरीही, अजून दोन हजाराहून अधिक कर्मचारी संपात सहभागी आहेत. शासनाने त्यांना कामावर येण्याबाबत सांगितले. मात्र अजूनही कामावर न आलेल्या जिल्ह्यातील २१ कर्मचाऱ्यांना शनिवारी पहिल्यांदाच बडतर्फीची नोटीस एसटी प्रशासनाच्या वतीने ( ST Workers Suspended ) बजावण्यात आली आहे. या कारवाईमुळे जिल्ह्यामध्ये संप अधिक चिघळण्याची शक्यता निर्माण झाली आहे.

जिल्ह्यात एकूण 2 हजार 444 कर्मचारी

अमरावती जिल्ह्यात एसटी महामंडळात चालक, वाहक, मेकॅनिकल व इतर पदांवर जवळपास 2 हजार 444 कर्मचारी आहेत. दरम्यान सुरुवातीला सर्व कर्मचारी संपावर होते. मात्र त्यानंतर टप्प्याटप्प्याने काही कर्मचारी कामावर परतल्याने जिल्ह्यात कामावर परतणाऱ्या कर्मचाऱ्यांची संख्या 345 आहे. तसेच यापूर्वी शासन आदेशावरून एसटीच्या स्थानिक 405 कर्मचाऱ्यांचे निलंबन सुद्धा करण्यात आले आहे. निलंबनाच्या कारवाईनंतर ही एसटी कर्मचारी आपल्या मागण्यांवर ठाम राहिले आहेत. अजूनही ते संपावर आहे. शासनात सामावून घेण्याची मागणी पूर्ण होईपर्यंत आम्ही कामावर येणारच नाही, अशी आक्रमक भूमिका ही कर्मचाऱ्यांनी घेतली आहे. परिवहन मंत्री अनिल परब यांनी कर्मचाऱ्यांना कामावर परत या अन्यथा कठोर कारवाई करण्याचा इशारा दिला होता.

जिल्ह्यात 28 फेऱ्या नियमित सुरू

अमरावतीत 7 नोव्हेंबर पासून अमरावतीत एसटी कर्मचाऱ्यांचा संप सुरू आहे. दरम्यान पंधरा दिवसांत काही कर्मचारी कामावर परतल्याने सद्यस्थितीत अमरावती जिल्ह्यात 28 फेऱ्या विविध मार्गावर धावत असल्याचे एसटीच्या सूत्रांनी सांगितले आहे.

पथनाट्याच्या माध्यमातून उलगडली एसटीची कैफियत
एसटी महामंडळाची बस अनेक प्रवाशांची लाईफलाईन आहे. या लाईफलाईनमुळे कर्मचारी व प्रवासी यांच्यात कायम समन्वय साधण्याचा प्रयत्न केला जात आहे. परंतु या लाईफ लाईनवर अन्याय होतो. त्या अन्यायाला वाचा फोडण्याचा प्रयत्न शनिवारी एसटी कर्मचारी कर्मचारी मंडळाच्या कर्मचाऱ्यांनी 'एसटीची कैफियत' या पथनाट्याच्या माध्यमातून केला.