अमरावती : मध्य प्रदेशातून बोगस रासायनिक खते महाराष्ट्रात येत असल्याचे खळबळजनक प्रकरण समोर आले आहे. अमरावती जिल्ह्यातील माहुली जहागीर येथील एका गोदामातून पोलिसांनी २.३९ कोटी रुपयांचे बनावट खत जप्त केले आहे. तसेच जळगावातही बारा लाख रुपयांचे खत जप्त करण्यात आले आहे. या बोगस रासायनिक खताचा साठा मध्यप्रदेशातील जबलपूर येथेही आढळून आला आहे. त्यामुळे शेतकऱ्यांमध्ये एकच खळबळ उडाली आहे.
अमरावतीमध्ये अनधिकृत खत सापडले : माहुली जहागीर परिसरात अनधिकृत खतांचा साठा असल्याची माहिती कृषी अधिकाऱ्यांना मिळाली होती. त्यांनी यासंदर्भात पोलिसांना माहिती दिली. त्यानंतर पोलिसांनी अनंत वाढोकार यांच्या शेतात छापा टाकला. त्यावेळी पोलिसांना गोदामाच बोगस खतांचा साठा आढळून आला. यावेळी विविध बोगस कंपन्यांचा तसेच गोदामाच्या बाहेर उभ्या असलेल्या ट्रकमध्ये 2 कोटी 38 लाख 99 हजार 73 रुपये किमतीचा खताचा अनधिकृत साठा पोलिसांनी जप्त केला आहे. यावेळी पोलिसांनी मध्य प्रदेशातील रेवा तालुक्यातील रहिवाशी मोहम्मद मुमताज अली, जिल्ह्यातील अमरावती शिरजगाव येथील अब्दुल वाहिद शेख हुसेन, माहुली येथील रहिवासी अनंत अधिकारी, महेशकुमार रूपसिंग या चौघांना अटक केली आहे.
पोलिसांनी घेतली गंभीर दखल : माहुली जहागीर येथील एका गोदामावर छापा टाकल्यानंतर अनधिकृत खत पोलिसांना सापडले. पोलीस अधीक्षक अविनाश बारगळ यांनी याप्रकरणी एकूण चार पथके तयार करून जळगाव, धुळे, मध्य प्रदेश आणि हैदराबादकडे रवाना केली आहेत.
जळगावात सापडले 12 लाखांचे अनधिकृत खत : पोलीस तपासात अटक करण्यात आलेल्या आरोपींनी जळगाव जिल्ह्यातील भादली येथेही खताचा अवैध साठा केल्याचे सांगितले. त्यानंतर पोलीस निरीक्षक सुनील सोळंकेसह त्यांच्या पथकाने भादली येथे जाऊन खताचा साठा जप्त केला. स्थानिक पोलीस, कृषी अधिकाऱ्यांनी संबंधित जागेची पाहणी केली असता तेथे विनापरवाना 11 लाख 94 हजार 445 रुपये किमतीचे खत सापडले. संपूर्ण खत जप्त केल्यानंतर जळगाव जिल्ह्यातील नशिराबाद पोलिस ठाण्यात गुन्हा दाखल करण्यात आला. जळगावात नवकिसान बायो प्लांट कंपनीचे संचालक संचालक श्रीकांत चित्रा. एम आणि राव सुरेश श्रीनिवास यांच्यासह वाशिमचे रहिवासी उमेश गजभर, हैदराबादचे देवानंद आणि शिवशक्ती बायोटेक लिमिटेड कंपनीच्या संचालकांवर गुन्हा दाखल करण्यात आला आहे.
राज्यातील अन्य जिल्ह्यात अलर्ट : अमरावती जिल्ह्यातील माहुली जहागीर येथील गोदामात 2.39 कोटीच्या अनाधिकृत खतांचा साठा जप्त करण्यात आला आहे. त्यामुळे राज्यातील इतर जिल्ह्यांना रसायनिक खतांच्या साठ्यासंदर्भात अलर्ट जारी करण्यात आला आहे.
हेही वाचा -
