अकोला - संपत्तीच्या वादातून वडिलाने मुलाची गोळी झाडून हत्या केल्याची घटना दोन दिवसांपूर्वी घडली. यामध्ये आरोपी बाबा भारती याने मुलगा मनीष भारती याची हत्या केली. सिव्हील लाईन पोलिसांनी त्याला अटक केली असून पिस्तूल, धारदार शस्त्र आणि इतर पुरावे जप्त केले आहेत. बाबा भारती याची दोन दिवसांची पोलीस कोठडी संपल्यानंतर त्याला शनिवारी न्यायालयात हजर केले. न्यायालयाने त्याची न्यायालयीन कोठडीत रवानगी केली आहे.
बाबा भारती आणि त्याचा मुलगा मनीष भारती यांच्यामध्ये संपत्तीचा वाद होता. घटना घडली त्या दिवशी मनिष भारती हा बाबा भारतीच्या घरी धारदार शस्त्र घेऊन आला होता. त्याने वडिलांसोबत संपत्तीवरून वाद घातला. मुलाच्या हातात असलेले धारदार शस्त्र पाहून बाबा भारतीने बचावासाठी जवळ असलेली पिस्तूल काढली. मुलगा अंगावर येत असल्याचे दिसतात त्याने छातीमध्ये एक गोळी झाडली. यात मुलगा मनीष हा जागीच ठार झाला.
हेही वाचा - VIDEO : भररस्त्यात महिलेला मारहाण; घटना सीसीटीव्हीत कैद
सिव्हील लाईन पोलिसांनी बाबा भारतीला न्यायालयात हजर केले होते. न्यायालयाने त्याला दोन दिवस पोलीस कोठडी सुनावली होती. त्याची पोलीस कोठडी संपल्याने त्याला परत न्यायालयात हजर केले. न्यायालयाने 18 फेब्रुवारीपर्यंत न्यायालयीन कोठडी सुणावली आहे.
