अकोला - संपत्तीच्या वादातून वडिलाने मुलावर बंदुकीने गोळी झाडून हत्या केल्याची घटना जठारपेठ चौकातील केला प्लॉटमधील ब्रम्हांडनायक अपार्टमेंटमध्ये घडली आहे. मृताचे नाव मनीष भारती, असे असून बाबा भारती, असे मारेकरी वडिलाचे नाव आहे. पोलिसांनी घटनास्थळी दाखल होत आरोपीला ताब्यात घेतले. विशेष म्हणजे, बाबा भारती हे काँग्रेसचे नेते आहेत. त्यांचा मुलगा राजेश भारती हा काँग्रेसचा मोठा नेता आहे.
बाबा भारती आणि त्यांचा मुलगा मनीष भारती यांच्यात संपत्तीवरून बऱ्याच वेळा वाद होत होता. या वादाने इतक्या टोकाला गेला, की मुलगा मनीष हा वडील बाबा भारती यांच्या घरी धारदार शस्त्र घेऊन आला. त्याने वडिलांसोबत संपत्तीवरून वाद घातला. मुलाच्या हातात असलेले धारदार शस्त्र पाहून बाबा भारती यांनी बचावासाठी जवळ असलेली बंदुक काढली. मुलगा अंगावर येत असल्याचे दिसताच त्यांनी त्या बंदुकीतून मनीषच्या छातीमध्ये एक गोळी झाडली आणि मनीष हा जागीच ठार झाला. ही माहिती कळताच घटनास्थळी सिव्हील लाइन, रामदास पेठ, शहर उपाधीक्षक व स्थानिक गुन्हे शाखेचे अधिकारी आणि पोलीस दाखल झाले आणि बाबा भारती यास ताब्यात घेतले गेले.
हेही वाचा - अकोल्यात जीवघेणा खड्डा, स्थानिकांच्या सतर्कतेने वडिलांसह मुलगी बचावली
दरम्यान, सदर घटनेबाबत बाबा भारती यांनी पत्रकारांशी सवांद साधून घटनेची तोंडी माहिती दिली. विशेष म्हणजे, बाबा भारती हे काँग्रेसचे नेते आहेत. दोन दिवसांआधी मनीष याला ३ महिन्यासाठी तडीपार करण्यात आले होते. मनीष हा गुन्हेगारी स्वरुपाचा असून त्याच्यावर अनेक गुन्हे दाखल आहेत.
हेही वाचा - हुंडी चीठ्ठीसाठी नवा कायदा आणावा लागेल - पालकमंत्री बच्चू कडू
