अकोला - 'बस का थांबविली' असे म्हणत तीन दुचाकी चालकांनी शिवशाही बस चालकास मारहाण केल्याची घटना, राष्ट्रीय महामार्ग क्र. ६ वरील ढवळे ट्रॅक्टर जवळ घडली होती. ही घटना काल २१ जून रोजी सायंकाळी घडली होती. यातील जखमी चालकाने आज याप्रकरणात सिव्हिल लाइन पोलिस ठाण्यात तक्रार दाखल केली आहे.
बस चालक गोविंद शंकरनाथ पाताळबंशी हे शिवशाही बसला अकोल्याहून नागपूरला घेउन जात होते. यादरम्यान ढवळे ट्रॅक्टरजवळ प्रवाशी घेण्याकरीता चालकाने बस थांबविली. यावेळी एम.एच ३० ए.वाय ७१०६ या क्रमांकाच्या दुचाकीने तिघेजण तिथे आले. त्यांनी 'बस का थांबविली' असे म्हणत चालकाला अश्चिल शिवीगाळ करत मारहाण केली. या मारहाणीत पाताळबंशी जखमी झाले असुन त्यांना उपचारार्थ रूग्णालयात दाखल करण्यात आले आहे. याप्रकरणी सिव्हील लाइन पोलीस स्टेशनला तिघांविरोधात गुन्हा दाखल करण्यात आला असून पोलीस अधिक तपास करीत आहे.
