अहमदनगर - नेवासा तालुक्यातील भेंडा गावातील मंदिरातील दानपेटी चोरीला गेल्याची घटना काही दिवसांपूर्वी झाली होती. पण, अद्याप चोरांचा शोध लागला नाही. त्यामुळे, ग्रामस्थांनी नेवासा शेवगाव महामार्गावर रास्ता रोको आंदोलन करत चोरांना अटक करण्याची मागणी केली.
अहमदनगर जिल्ह्यातील नेवासा तालुक्यातील भेंडा गावातील ग्रामदैवत श्री संत नागेबाबा मंदिरातील दानपेटी चोरटयांनी उचलून नेली होती. तर गावातील सोनाराच्या दुकानाचे शटर तोडून दुकानातील लाखो रूपांचे सोने चोरटयांनी नेल्याची घटना घडून आज तब्बल तीन दिवस झाले आहेत. मात्र, आद्यापही पोलिसांनकडून या चोरांचा शोध लागला नाही.
हेही वाचा - ...तर भाजपातून मोठ्या प्रमाणात आऊट गोईंग - राजू शेट्टी
त्यामुळे, गावातील संतप्त ग्रामस्थांनी आज नेवासा शेवगाव रस्त्यावर काही तास रास्तारोको आंदोलन करत निषेध व्यक्त करण्यात आला. चोरांना लवकरात लवकर अटक करण्यात येणार असल्याचे पोलीस अधिकाऱयांनी ग्रामस्थांना आश्वसान दिले. त्यानंतर ग्रामस्थांनी आपले आंदोलन मागे घेतले.
