अहमदनगर - राष्ट्रवादी काँग्रेसचे युवा नेते आणि पुणे जिल्हापरिषदेचे सदस्य रोहीत पवार यांनी आज दुपारी प्रवरानगर येथील विखे पाटील कारखान्यास सदिच्छा भेट दिली. यावेळी त्यांनी विरोधी पक्षनेते राधाकृष्ण विखे पाटील यांचे चिरंजीव सुजय विखे पाटील यांची भेट घेतली. त्यामुळे या भेटीचा नेमका अर्थ काय ? असा प्रश्न आता राजकीय वर्तुळात चर्चिला जाऊ लागला आहे.
विखे पाटील कारखान्याचे चेअरमन डॉ. सुजय विखे पाटील यांनी रोहीत पवारांचे स्वागत करुन सत्कार केला. शरद पवारांचे नातू रोहीत पवार यांनी बाळासाहेब विखेंच्या चिरंजीव सुजय विखे पाटलांची भेट घेतल्याने राजकीय वर्तुळात चर्चेला उधाण आले आहे.
